Xawaalada Amaana oo biyo dhaamin ka bilaawday deegaanno ka tirsan gobolka Hiiraan
Arbaco, Maarso, 22, 2017 (HOL) -Shirkada
Xawaalada Amaana ayaa biyo dhaamintii
ugu balaarneyd tan iyo markii ay abaartu ku dhufatay dalka ka bilaawaday
deegaanno hoostaga gobolka Hiiraan.
Mamuulaha Shirkadaha ee labada gobol Hiiraan iyo Shabeellaha dhexe Xassan
Ibraahim Xalane iyo qaar ka mid ah shaqaalaha shirkada ayaa deegaanka Ceelgaal
15km dhinac Waqooyi ugu beegan magaalada Beledweyne ku sii sagootiyay ilaa 10
booyadood oo biyo ah oo loo kala diray deegaannada laga soo sheegayo biyo la’aanta.
Xassan Ibraahim ayaa sheegay in maanta shirkada si rasmi ah u daah furtay
mashruuc biyo dhaamin ah oo lagu caawinayo dadka dhibaateysan, madaama ayuu
yiri xiliga ay gobolka ka taagan yihiin abaar saameysay dadka iyo duuniyada
intaba.
‘’Shirkada Amaana ayaa howshan bilaawday, laakiin waan soo dhaweyneynaa cid
kasta oo gacan ka geysaneysa sidii loo balaarin lahaa mashruucan lagu caawinayo
dadka dhibaateysan’’ ayuu yiri Xassan Ibraahim.
Ugu danbeyntii, gargaarka ay bixisay shirkada ayaa imanaya xili ay dadku
siweyn ugu baahi qabaan, islamarkaana kulul daran iyo biyo la’aan laga soo
sheegayo deegaanno ballaaran oo ka tirsan gobolka Hiiraan.
C/raxmaan Diini, Hiiraan Online
[email protected]