Arbaco, June, 21, 2017 (HOL) - Munaasibad xilka loogu kala wareejinayo taliyihii qaybta
booliska iyo taliyaha haatan loo soo magcaabay ayaa lagu qaybtay qaybta booliska
gobolka Sool ee Laascaanood.
Munaasibadan oo ay goobjoog ka
ahaayeen masuuliyanta Gobolka, degmada, ciidamada booliska hogaanadiisa kala
duwan iyo waxgaradba, ayaa laga hadlay hawlaha uu soo qabtay taliye qaybeedka
xilka wareejiyey iyo hawlaha u yaal taliyaha Cusub.
G/dhexe Ibraahin Jaamac Daad oo halkaasi
ka warbixiyey hantida muuqata ayaa waxa uu sheegay in ay diyaar u yihiin
gaadiid gaadhay 13 kuwaas oo qayb ka ahaa xilwareejinta.
Waxaa uu xusay in ay jiraan dhibaato
xoogan oo degaanka ka taagnayd mudooyinkii u danbeeyey oo ah Khamriga waxana uu
kula dardaarmay taliyaha qaybta ee cusub inuu u feejignaado.
G/Dhexe Khaliif Maxamed Xirsi Taliye
qaybeedka cusub ayaa waxaa uu sheegay in diyaar u yahay in uu dhabarka u dhigo
xilkan uu hada qabtay, waxaanu sheegay in aanu isagu waxba qaban karin hadii
aan dadweynaha ay u shaqaynayaan Caawin.
"Xalay anoo lugaynaya waxaan
arkaayey qaar askar heegan ah dhagax ku tuuraya, runtii askarigu dan uu
leeyahay uma taagna ee waxaa uu u taagan yahay danta dadweynaha, waa ayaan daro
hadii kii la illaalinayey uu isagu garan waayo dantiisii" ayuu yiri
Khaliif isagoo intaas raaciyey in uu yahay dhalintii ku soo kacaantay magaalada
farkasta oo la dhigana dhaadi kara, inay taas xasuusnaadaana waa uu u muujiyey.
Madax kala duwan oo halkaasi ka
hadashay oo ay ka mid ahaayeen duqa degmada Laascaanood C/casiis Xuseen Xasan, taliye
Xigeenka Qaybta Booliska G/dhexe Muuse Axmed Cigaal iyo madax kale ayaa
dhamaantood soo dhoweyey taliayaha cusub taliye qaybeedkii horena ku amaanay
waxqabadkii uu muujiyey.
Gudoomiyaha Gobolka Sool Cabdi
Khayre Dirir oo xiliwareejintaas soo gabagabeeyey ayaa waxa uu sheegay
wadashaqayntii wacnayd ee ay lahaayeen taliyihii hore, waxaanu balan qaaday in
aanay waxba ka hagranayn taliyaha Cusub.
Laiyaha xilka wareejiyey ayaa lagu
xusuusan karaa sida ay bulshadu wada qiraan ninkii ugu waxqabadka badnaa
dhamaan laiyayaashii horey u soo maray dhinaca amaankana waxa uu leeyahay
waxqabad la tilmaami karo.
Taliyaha cusub oo ah nin aad u da'a
yar hawlo kala duwana ka soo qabtay ciidamada Amaanka, waxaa la tilmaamayaa
inay horyaalaan arimo badan u baahan geesinimo, go'aan qaadasho iyo ku dhac.
Seynab Cabdi Warsame
[email protected]
Laascaanood. G. Sool
