Dagaal u dhaxeeya maleeshiyo beelleed oo ka dhacay deegaanno ka tirsan gobollada dhexe
Talaado, June, 13, 2017 (HOL) – Maleeshiyo ka soo
kala jeeda gobollada Hiiraan iyo Galguduud ayaa labadii cisho ee la soo
dhaafayba ku dagaalamayay deegaanno dhaca xadka labada gobol.
Ilaa Lix ruux oo dagaalka ku dhaawacmay ayaa la soo
gaarsiiyay isbitaalka magaalada Beledweyne, halka isbitaalada degmooyinka
Guri-ceel iyo Dhuusa-mareeb ee gobolka Galguduud la geeyay dhaawacyo aan
tiradooda la ogeyn.
Xiisad colaadeed ayaa wali ka jirta deegaannada lagu
dagaalamayo waxaana jira baaqyo nabadeed oo loo jeedinayo dhinacyada diriraya
si xabada loo joojiyo.
Maamulka cusub ee gobolka Hiiraan ayaa ugu baaqay
waxgaradka iyo odayaasha labada dhinac in ay nabada ka shaqeeyaan lana joojiyo dagaalka.
Halka sidoo kale maamulka gobollada dhexe ay ku baaqeen
in ay ka xun yihiin dagaalka loona
baahan yahay in sida ugu dhaqsiyaha badan loo soo afjaro.
Marka laga soo tago baaqyada nabadeed ee la jeedinayo ma
jirto cid ilaa iyo hadda ku baxday deegaannada lagu dirirayo si loo kala
dhax-galo dhinacyada dagaalamaya.
Inta badan dagaallada ka dhaca deegaannada Miyiga ah ayaa salka ku haya arimo la xiriira deegaan, dhul daaqsimeed leysku qabto iyo xoolo la kala dhaco, waxaana dagaallada ku nafwaaya tiro badan oo dad ah.
C/raxmaan Diini, Hiiraan Online
[email protected]