Wiil Soomaali ah oo tartanka qur'aanka ee Imaaraadka ka qaybgalayey oo dib loo soo musaafuriyey
Isniin, June, 12, 2017 (HOL) – Ismaaciil Cumar Madar
oo ah wiil Soomaali ah oo ka qaybgalay tartanka Quraanka Kariimka ah oo ay
qabanayeen wadanka Imaaraadka Carabta ayaa maanta dib loogu soo celiyey
magaaladda Hargeysa.
Wiilkan
dhalinyaradda ah oo qaybihii hore ee tartanka ka qaybgalay, islamarkaana ay u
harsaneyd in uu ku dhawaaqidda Natiijadda oo lagu dhawaaqayey Jimcaha sida uu
sheegay Ismaacil Cumar Madar ayaa si degdeg ah dib loogu celiyey waxana sabab
looga dhigay go’aanka ay qaadatay Soomaaaliya ee dhex dhexaadnimadda ah ee
qadiyadda dawladda Qadar iyo Sucuudiga ka dhexeeya.
Ismaaciil
ayaa sheegay inuu uga qaybgalay magaca Soomaaliya,isla markaana isagoo iska
jooga lagu amray in labaatan daqiiqood ku diyaar garoobo oo uu diyaaradda
raacayo si uu dalkiisa ugu noqdo, waxaana lagu sababeeyey in amarkaasi ka soo
baxay madaxda sare ee Imaaraadka Carabta.
“11
habeenimo waxa isoo wacay maamulaha tartanka, waxanu usoo diray shaqaalihiisa
in dalka ka bixi doonto oo toban daqiiqo ku diyaar garoobo oo uu tikidhkii u
go’an yahay, marka waydiiyey sababta aan u noqonayo maadaama oo tartankii wali
dhamaan waxa igu jawaaabeen waa amar xaga sare ka yimid”ayuu yidhi Ismaaciil
Cumar Madar oo ah tartame ka qaybgalayey tartanka Quraanka.
Sidoo
kale, Madar waxa uu sheegay in wiilkii Qadar uga qaybgalayeyna sidan oo kale
isna loo mustaafuriyey, waxaanu sheegay inay tartankii quraanka la siyaasadeeyey
oo dawladihii ka soo horjeestay xulifadda cadaadis lagu saarayo inay
wadankoodda laga saaro.
Barkhad-ladiif
M. Cumar, Hiiraan Online
[email protected]
Hargeysa,
Somaliland.