Isniin, Janaayo, -09, 2017 (HOL) – Madaxweynaha maamulka gobollada dhexe ee
Ahlu Sunna Waljameeca ayaa xil ka qaadis ku sameeyay mid ka mid ah madaxweyne
ku-xigeennadii maamulka.
Wararka naga soo gaaraya degmada Dhuusa-mareeb ayaa sheegaya in wareegto ka
soo baxday madaxweynaha maamulka gobollada dhexe Sheekh Max’ed Shaakir, xilkii
looga qaaday madaxweyne ku-xigeenkii maamulkaas Saadiq Sheekh Yuusuf.
Maamulka gobollada dhexe ee Ahlu Sunna ayaa ka arimiya deegaanno ka tirsan
gobolka Galguduud, waxaana xarun u ah degmada Dhuusa-mareeb ee gobolka
Galguduud.
Maamulkan ayaa siweyn uga soo horjeeda maamulka kale Galmudug ee fadhigiisu
yahay degmada Cadaado, sidoo kale maamulkan ayaan aqoonsaneyn siyaasada
dowladda dhexe ee la xiriirta deegaannada gobollada dhexe.
Ugu danbeynii, madaxweyne ku-xigeenka xil ka qaadista lagu sameeyay Saadiq
Sheekh Yuusuf ayaan wali ka hadal wareegtada la sheegay in xilka looga qaaday.
C/raxmaan Diini, Hiiraan Online
[email protected]
