Axad, Janaayo, 29, 2017 (HOL) – Magaalada Muqdisho ayaa la filayaa in ay
maanta ka dhacdo doorashada xildhibaannada gobollaha shacabka ee ka imanaya gollaha
waqooyi Soomaalilnad.
Doorashadan ayaa lagu tartami doonaa hal kursi oo kaliya, kaasoo noqonaya
kursigii ugu danbeeyay ee gollaha shacabka beellaha gobollada waqooyi, madaama
horay inta badan xildhibaannada gobolladaas loo soo doortay.
Kursigan maanta ayaa waxaa ku tartamaya labo dumar ah, kuwaas oo aysan guddigu
magacyadooda ku shaacin barta Twitter-ka ee ay warkan ku soo qoreen.
Ugu danbeyntii, marka la soo dhameystiro maanta doorashada gollaha shacabka
ee Soomaaliland ayaa waxaa la shaacin doonaa waqtiga ay dhaceysa dib u soo
doorashada 5 kursi oo guddiga xaldinta khilaafaadka ay sheegeen in ay ku soo
baxeen hab musuq maasuq ku dhisan,
waxaaana xildhibaannada laga soo dooran doonaa dhamaanba xarumaha dowlad
gobolleedyada oo mid hal xildhibaan dib loogu celiyay.
C/raxmaan Diini, Hiiraan Online
[email protected]
