Ururka midowga Africa oo ka hadlay weeraradii ugu danbeeyay ee hoteel Dayax iyo Kulbiyoow
Sabti, Janaayo, 28, 2017 (HOL) - Guddoomiyaha Guddiga Sare ee midowga Afrika
Haweeneyda lagu magacaabo Dr. Nkosazana Dlamini-Zuma ayaa waxaa ay ka hadashay
weerarada Al-shabaab ay ka geystaan Soomaaliya, gaar ahaan midkii ugu dambeeyay
ee Hoteelka Dayax ka dhacay.
Dlamini-Zuma ayaa sheegtay subaxnimadii hore ee Jimcihii ee shalay in ciidamada
AMISOM gaar ahaan kuwa Kenya weerar ay Al-shabaab ku soo qaadeen ay iska
difaaceen, maadaama Ciidamada ay xog badan ka hayeen weerarka.
Waxaa ay sheegtay haddii ay yihiin Midowga Africa in ay cambaareynayaan qaraxaasi,
iyadoo ciidamada AMISOM ugu baaqday in ay xoojiyaan dagaalka Al-shabaab lagula
jiro, si Soomaaliya nabad looga dhigo.
Sidoo kale Dr. Nkosazana Dlamini-Zuma Guddoomiyaha Guddiga Sare ee Midowga
Afrika ayaa Ciidamada AMISOM ka dalbatay in ay ka jawaabaan weerarkii Al-shabaab
ay shalay aroortii hore ku qaadeen deegaanka Kulbiyow ee gobolka Jubbada Hoose.
Ugu danbeyntii, warka Al-shabaab ay ku soo qoreen baraha ay wararkooda ku
faafiyaan ayeey ku sheegteen dagaalkii Kulbiyow in ay ku dileen 57 askari oo
Kenyan, halka wasaarada Difaaca Dalka Kenya ay sheegtay in dagaalkaasi ay ku
dishay 70 Al-shabaab ka tirsan.
