Sabti, Janaayo, 28, 2017 (HOL) - Urur goboleedka
IGAD ayaa digniin kasoo saaray weerarada Al-shabaab ka geystaan gudaha dalka
Soomaaliya, iyaga oo ka hadlay weerarkii ugu dambeeyay ee ka dhacay Hotel
Dayax.
War Qoraal ah oo ka soo baxay IGAD ayaa lagu
cambaareeyay weerarkii ka dhacay magaalada Muqdisho, kaasi oo ka dhacay hotel
Dayax ee magaalada Muqdisho.
Qoraalka IGAD waxaa lagu sheegay in Al-shabaab ay
maleegayaan weeraro ka dhaca gudaha dalka Soomaaliya, balse loo baahan yahay in
feejignaan dheeri ah laga galo weerarada.
“Waxaan ka digeynaa weerarada Al-shabaab, ciidamada
dowladda federaalkaa iyo kuwa AMISOM mar walba waxaa looga baahan yahay in ay
sugaan amniga, si looga hortago weerarada Dhagar qabayaasha ayaa lagu yiri.”
ayaa lagu yiri qoraalka ah ee ka soo baxay IGAD.
Ugu danbeyntii, IGAD ayaa qoraalka ku sheegtay in
ay kordhin doonaan taageeraada ay siinayaan dowladda Soomaaliya, si looga
guuleysto amni darada dalka Soomaaliya.
Qoraalka ayaa imanaya xili xoogagga Al-shabaab
kordhinayaan weerarada ka dhanka ah xarumaha dowladda federaalka iyo AMISOM,
waxaana weeraradan ugu danbeeyay kii maalintii shalay lagu qaaday saldhiga
militari ee ciidamada Kenya ku lahaayeen deegaanka Kulbiyoow oo ilaa iyo hadda
leysku khilaafsan yahay tirada askarta ku dhimtay.