Sabti, Janaayo, 14, 2017 (HOL) – Xildhibaanno ka tirsan maamul
gobolleedka Hirshabeelle ayaa eedeyn ballaaran u jeediyay guddoomiyaha
baalamaanka mamaulka Cismaan Barre Max’ed oo ay ku eedeeyeen in uu kalfadhigii
baarlamaanka u wareejiyay magaalada Muqdisho.
Xildhibaano ka
tirsan maamulka Hirshabeelle ayaa Khamiistii ina dhaaftay todobadkii hore ka
sheegay magaalada Jowhar in hogaanka sare ee maamulka madaxweynaha iyo
guddoomiyaha baarlamaanka howlihii maamulka oo idil u wareejiyeen sida ay
hadalka u dhigeen magaalada caasimada ah ee Muqdisho.
Eedeyntan ayaa timid
kadib kulan dhaxmaray qaar ka mid ay xildhibaannada
baarlamaanka Hirshabeelle ee ku sugan magaalada Muqdisho.
Xildhibaanno ka
qeyb-galay kulanka ka dhacay magaalada Muqdisho oo la hadlay warbaahinta ayaa
waxba kama jiraan ku tilmaamay eedeynta loo jeedinayo guddoonka baarlamaanka,
iyaga oo intaa ku daray in kulanka ka dhacay Muqdisho lagu tilmaami karin
kalfadhigii rasmiga ahaa ee baarlamaanka Hirshabeelle.
Ugu danbeyntii,
eedeymahan loo jeedinayo hogaanka sare ee maamulka Hirshabeelle ayaa imanaya
xili madaxweynaha maamulka Hirshabeelle iyo guddoomiyaha baarlamaanka intaba
waayadii ugu danbeeyay ku sugnaayeen magaalada caasimada ah Muqdisho.
C/raxmaan Diini, Hiiraan Online
[email protected]