Xildhibaan C/wali Sheekh Muudeey iyo Faarax Sheekh C/qaadir oo isugu soo haray wareega labaad
Khamiis, Janaayo, 12. 2017 (HOL) Guddiga doorashada ayaa ku dhawaaqay in wareega labaad ee doorashada u wada gudbi
doonaan C/wali Sheekh Ibraahim Muudeey iyo xildhibaan Faarax Sheekh C/qaadir.
Waxaa ka tanaasulay wareega labaad in ay u gudbaan xildhibaan Khadiijo
Max’ed Diiriye iyo xildhibaan Saciid Xusseen Ciid oo labadaba sheegay in ay ka harayaan
wareega labaad ee doorashada.
Doorashada wareega labaad ayaa noqon doonta mid aad u adag
oo siweyn isha looga wada hayo, madaama C/wali Sheekh Muudeey oo helay
wareegii hore codad gaaraya 111, halka xildhibaan Faarax Sheekh C/qaadir uu helay codad gaaraya
94 cod, waxaana muuqata in labada xildhibaan ilaa iyo hadda uu u dhaxeeyo
farqi dhan 17 cod oo kaliya.
Ugu danbeyntii, guddoomiye ku-xigeennada labaad waxaa isugu soo haray oo u gudbaya
wareega labaad Mahad C/dalla Cawad iyo C/qaadir Sheekh Baqdaadi.
Hasse ahaatee doorashada sida weyn isha loogu wada hayo ayaa
ah tan guddoomiye ku-xigeenka koowaad oo ay ku tartamayaan C/wali Sheekh Muudeey iyo
Faarax Sheekh C/qaadir
Natiijada naga filayo waqtigayada ugu soo horeeya.
C/raxmaan Diini, Hiiraan Online
[email protected]
