Doorashadii guddoonka baarlamaanka oo bilaabatay iyo xildhibaannada oo codeynaya
Arbaco, Janaayo, 11. 2017 (HOL) – Waxaa goor dhaw
si toos ah uga bilaabatay xarunta gollaha shacabka doorashada guddoonka
baarlamaanka Soomaaliya, waxaana xiligan socta codeynta xildhibaannada.
Doorashada ayaa waxaa ku tartamaya musharaxiinta
kala ah Maxamed Sh. Cusmaan Jawaari, Cabdirashid Maxamed Xidig,
Cabdifitax Maxamed Geesey iyo Idiris Cabdi Dhakhtar .
Guddiga doorashada ayaa sheegay in ay diyaar
yihiin oo ay codeynayaan 136 xildhibaan,iyadoo ay doorashadana musharixii hela
139 cod uu si toos ah ugu guuleysanayo doorashada guddoomiyaha baarlamaanka
Soomaaliyeed.
Maanta waxaa dhacaya doorashada guddoomiyaha oo
kaliya, halka maalinta berri ahna la dooran doono guddoomiye ku-xigeenka
koowaad iyo labaad ee baarlamaanka.
Ugu danbeyntii, doorashada wareega koowaad ayaa
bilaabatay iyadoo ay ugu horeeyn codeeyeen gudddomiyaha KMG iyo guddiga doorashada.
Wixii warar ah ee ka soo kordha doorashada waan
idin soo gudbin doonaa..
C/raxmaan Diini, Hiiraan Online
[email protected]