Sabti, Feberaayo, 18, 2017 (HOL) - Madaxweynaha
cusub ee Gambia, Adama Barrow, ayaa si rasmi ah loogu caleemo saari doonaa
caasimadda Banjul, halkaas oo ay ka dhici doonaan dabaal degyada lagu xusayo 52
guuradii madaxbannaanida dalka.
Barrow waxa bishii hore lagu dhaariyey safaaradda
Gambia ku leedahay dalka ay olloga yihiin ee Senegal ka dib markii ninkii
mudada dheer dalka ka talinayey diiday inuu xilka iskaga dego markii doorashada
lagaga adkaaday.
Gambia waxay madaxbannaanidiisu 52 jirsanaysaa
manta laakiin Adama Barrow wuxu noqonayaa madaxweynihii saddexaad ee mudaa
dalku yeesho.
Wuxu ballan qaaday inuu waa cusub u bariin doono
dalkan mudada dheer uu gacanta bira ku hayey Yahye Jammeh.
Jammeh waxa lagaga adkaaday doorashadii dhacday
bishii Diisember, laakiin xilka wuu isku sii dhejiyey ilaa xoogag ka tirsan
ciidamo goboleedka Galbeedka Afrika ay ku dirqiyeen inuu xilka ka dego.
Gambia waxay haatan ku biiri doontaa ururada
caalamiga ah ee ay ka midka yihiin Maxkamadda Dambiyada Caalamiga ah iyo Ururka
Barwaaqo Sooranka.
Ugu danbeyntii, kumanaan qof ayaa la filayaa in
ay ka qayb galaan xafladda caleemo saarka oo ka dhicci doonta garoonka weyne ee
kubbada cagta ee ku yaal caasimadda.
C/raxmaan Diini, Hiiraan Online
[email protected]
C/raxmaan Diini, Hiiraan Online
[email protected]
- See more at: /news/2017/feb/wararka_maanta18-139852.htm#sthash.nmbO1tF1.dpuf
