Arbaco, Feberaayo, 15, 2017 (HOL) - Doon ku soo wajaneyd dekedda degmada
Hobyo ee koonfurta gobolka Mudug ayaa ku degtay xeebaha dalka Cumaan,sida laga
soo xigtay ganacsatada ay doonida u rarneyd.
Waxaa lugu sheegay sababta ay doonta u degtay roobab xoog leh oo ku
dhuftay,waxaana la badbaadiyay dhamman dadkii saarnaa,laakin waxaa meesha ku
quusay badeecadii ay doonidu sidey.
Cabdifitaax Xuseen Sheekh oo ka mid ahaa ganacsatada ay doonta u rarneyd,
ayaa sheegay sheegay in ay siday agab u badnaa gaadiid, waxaana khasaaraha
hanti ee halkaasi ka dhashay uu ku sheegay in ay gaareyso 2 milyan oo doollar.
“Aniga waxaan kamid ahaa ganacsatadii u rarneyd doonidan, waxaa saarnaa
alaab u badan gaadiid, xalay ayaa si lama filaan ah waxaa ku dhuftay roob
xooggan oo dabeylo watay, mowjado ayaana ku kacay.” ayuu yiri Cabdifitaax oo la
hadlay qaar ka mid ah warbaahnta gudaha.
Ugu danbeyntii, inta badan ganacsatada Soomaaliyeed ayaa ku waaya hanti badan shilalka
ka dhaca badda,inta badan badeecadda timaada dalka ayaana lugu keena doomo ka
soo shiracda waddamada khaliijka.
C/raxmaan Diini, Hiiraan Onlin
[email protected]
