Talaado, Feberaayo, 14, 2017 (HOL) – Afro
Deli waa maqaayad uu lee yahay ganacsade Soomaaliyeedoo lagu magacaabo
Cabdiraxmaan Kaahin waxayna marar badan ku guulaystay abaalmarino la siiyo
ganacsatada,waxaa in badan qoraalo iyo barnaamijyo ka sameeyay warbaahinta
waawayn ee Maraykanka ,waxaa sidoo kale booqda Madax kala duwan oo heer faderal
iyo kuwa gobolka ah ,iyadoo inta badan lagu amaano qaybta ganacsatada yaryar
ama horemarka dadka soo galootiga ah,
AFRO DELI ayaa shalay farac kale laga dhex
furay meel aad ugu dhow Jaamacadda Minnesota UofM, waxaa furitaankeedii ka soo
qaybgalay Senator Kari Dziedzic oo madasha xaafadda 60 oo ah meesha laga furay
maqaayadaa iyo Siyad Cali oo ah xubin golaha Waxbarashadda MPLS
Senator Kari ayaa sheegtay in ay aad uga
faraxsantahay ka soo qaybgalka furitaanka Afro Deli waana horemar usoo hoyatay
xaafada 60 waana soo dhaweenaynaa, Siyad Cali ayaa sheegay in Afro Deli ay
tahay waxyaabaha ay ku fanaan Soomaalida Minnesota , markaad aragto dad
wadankan u dhashay oo sidaa cunto soomaali saf ugu jira saanbuus iyo bariis
soomaali jeclaaday waa wax aan iyaduna ku soo kordhinay Minnesota,
Cabdiraxmaan Kaahin ayaa HOL u sheegay
in dhawaan ay ku talo jiraan in qayb kale laga furo faras magaalaha MPLS ,
waxaan ku dadaalnay in macaamiisha aan siino cunto tayo leh taas ayaana nagu
dhiira galisay inaan faracyo badan furno
Siyad Said Salah
[email protected]
HiiraanOnline
Minneapolis MN