Sabti, December, 09, 2017 (HOL) - Dowladda Mareykanka ayaa xaqiijisay in
diyaarad siday ku dhawaad 92 qof oo Soomaali ah oo laga masaafuriyay dalka
Mareykanka in diyaaradii siday ay cilad ku timid.
Dadkaan ayaa heysan Sharciga lagu jooggo dalka Mareykanka, waxaana dhawaan
laga soo qabtay qaar ka mid ah gobolada dalka Mareykanka.
Diyaaradda siday dadkaan ayaa ka degtay Magaalada Deka ee Caasimadda dalka
Senegal, waxaana intaasi kaddib ay dib ugu laabatay dalka Mareykanka.
Waaxda Socdaalka Mareykanka ayaa xaqiijisay in dadkaasi hadda lagu soo celiyay
Mareykanka.
Waaxda ayaa sidoo kale sheegtay in diyaaradda siday dadkaasi ay cilado ku
timid xilli ay hawadda ku jirtay , islamarkaana ay go’aansadeen in dadkaasi dib
loogu soo celiyo Gudaha Mareykanka oo markii hore laga tarxiilay.
Cumar Jamaal oo ka mid ah Sharci-yaqaana Soomaalida ee ku nool Mareykanka
ayaa VOA u sheegay in arintaasi ay walwal ku abuurtay.
Tan iyo markii la doortay Madaxweyne Trump Boqolaal Soomaali ah oo Sharci
daro ku jooggay dalka Mareykanka ayaa dib loogu soo celiyay Soomaaliya.
C/raxmaan Diini, Hiiraan Online
[email protected]