Arbaco, December, 06, 2017 (HOL) – Waxaa xiligan ka soconaya xarunta madaxtooyada Vila Soomaaliya Munaasabad
lagu saxiixayo dhameystirka heshiis ay horay dalka Jabuuti ugu soo gaareen
maamulada Galmudug iyo Ahlu Sunna.
Waxaa jooga munaasabada oo ka
qeybgalaya Madaxweynaha Soomaaliya Maxamed C/llaahi Farmaajo, Wasiirka Arrimaha
Dibadda Yuusuf Garaad, Wasiirka Arrimaha Gudaha Cabdi Faarax Juxa iyo xubno ka
tirsan Golaha Wasiirada.
Madaxweynaha Galmudug Axmed Ducaale
Geele Xaaf iyo Hoggaamiyaha Ahlu Sunna Sheekh Shaakir ayaa la filayaa in goor
dhow ay heshiiska qalinka ku duugaan.
Sidoo kale waxaa munaasabada ku
sugan oo ka qeybgalaya Madaxda maamul goboleedyada dalka oo goobjoog ka ah
saxixa heshiiska.
Qodobada Heshiiska ay gaareen labada
dhinac ayaa la filayaa in laga Akhriyo munaasabada saxiixa heshiiska.
Wixii ka soo kordha waan idin soo
gudbin doonnaa..
C/raxmaan Diini, Hiiraan Online
[email protected]
