Shirweynaha Muqdisho oo wajigisii labaad gallay iyo madaxweynaha oo khubad ka jeediyay
Talaado, December. 05, 2017 (HOL) – Waxaa maalintii labaad ka socoanaya
magaalada Muqdisho shirweynaha “Somali Partnership Forum”, waxaana shirka wajigiisa
labaad ee maanta diirada lagu saarayaaa, Arrimaha Siyaasadda, Dhaqaalaha, Bani’aadanimada
iyo qodobo kale.
Madaxweynaha dowladda Soomaaliya Maxamed C/llaahi Farmaajo oo khudbad ka
jeediyay shirka ayaa ka hadlay horumaradii ay gaartay dowladdiisa lixdii bilood
ee la soo dhaafay, waxaa uu sheegay inay horumar ka sameeyeen arrimaha ammaanka
iyo dhaqaalaha.
Madaxweyne Farmaajo ayaa soo hadal qaaday inay dowladdiisa xoogga saari
doonto hirgelinta Federaalka, iyo sidii doorasho qabsoonta sanadka 2020.
Waxaa uu ugu baaqay dalalka iskaashiga la leh Soomaaliya inay maalgashi ku
sameystaan dalka.
Kulanka ayaa lagu wadaa ugu danbeyntii in uu soo gabagabeeyo ra’iisul wasaare Xasan Cali
Kheyre, waxaa xilligan khudbado ka jeedinaya wasiiro ka tirsan Xukuumadda, sida
Wasiirka Dastuurka C/raxmaan Xoosh Jibriil oo ka hadlay halka uu marayo geeddi
socodka dib u eegista Dastuurka
C/raxmaan Diini, Hiiraan Online
[email protected]
