Talaado, December. 05, 2017 (HOL) – Dadka reer Muqdisho ayaa ku jahweerarsan
isku socodka magaalada, iyadoo maalintii labaad aan la ogoleyn dhaqdhaqaaqa
dadka iyo gadiidka caasimada.
Gaar ahaan waddada ugu mashquulka badan magaalada ee Maka Al-Mukarama ayaa
gabi ahaanba xiran, waxaad arkeysaa dadka oo lugeynaya si ay u gaaraan
goobahooda shaqo iyo waxbarasho.
Maalintii shalay waxaa magaalada ka furmay shir heerkiisu sareeyo oo ay ka
qeyb galayaan dowladda Federaalka Soomaaliya iyo Beesha Caalamka.
Sidoo kale maanta ayaa la filayaa in u furmo shirka Madasha Iskaashiga Soomaaliya
“Somali Partnership Forum” kaasoo looga hadlayo arrimaha siyaasadda, maaliyadda
iyo arrimo kale.
Kulan maanta ayaa la filayaa in uu shir guddoomiyo Ra’iisul Wasaare Xasan
Cali Kheyre, iyadoo ay khudbado ka jeedin doonaan xubno ka tirsan Golaha
Wasiirada iyo Beesha Caalamka.
Shirkii shalay ayaa looga hadlayay arrimaha Ammaanka, iyadoo dib loogu eegay
qodobadii dhinaca ammaanka ee quseeyay dib u dhiska ciidamada.
C/raxmaan Diini, Hiiraan Online
[email protected]