Isniin, December, 04, 2017 (HOL) – Sawirro lagu baahiyay Baraha Bulshada ayaa lagu arkayaa meydka qof u eg madaxweynihii hore ee dalka Yemen Cali Cabdalla Saalax oo dhaawacyo halis ah ka gaareen madaxa sare oo ay sidaa qaar ka mid ah maleeshiyada Xuutiyiinta Yemen.
Qaar ka mid ah Xisbigiisa ayaa sheegay in uu run yahay warka ku saabsan
dilka madaxweynihii hore ee dalkaasi Yemen Mr Salah, kaddib duqeyn culus oo loo
geystay gurigii uu ka degenaa magaalada Sanca.
Laakiin haddana marka dhinaca kale la eego qaar ka mid ah taageerayaashiisa ayaa laga soo
xigtay war ku saabsan in uu nool yahay madaxweynaha islamarkaana uu hogaamiyo
dagaalka.
Sabtidii, Saalax wuxuu ku baaqay "in bog cusub la
furo" oo uu taageerayo Mr Haadi, haddii isbeheysiga Sacuudiga uu
hoggaaminayo ay joojiyaan weerarka Yaman iyo xannibaadda xun ee ay ku hayaan.
Isbeheysiga iyo dowladda
Cabdurabah Mansuur Haadi ayaa soo dhaweeyay hadalkaasi. Balse waxaa arintaan
siweyn uga carrooday Xuutiyiinta oo sheegay in Mr Salah uu afgembinayo isbeheysiga waligoodna Aamini doonin, madaama markii hore uu la safnaa
Xuudiyiinta.
Wararka ku saabsan dhimashada Salah ayaa u muuqda kuwo
wali isku dhax yaacsan oo aan la hubin, laakiin haddana marka la eego
muuqaalada lagu baahiyay baraha bulshada ayaa shaki badan galin kara nolasha
madaxweynaha.
C/raxmaan Diini, Hiiraan Online
[email protected]