Isniin, December, 04, 2017 (HOL) - Ciidamada dowladda Soomaaliya ayaa saaka
xiray qeybo ka mid ah jidadka ugu muhiisan magaalada caasimada ah ee Muqdisho.
Xirnaashaha waddooyinka ayaa saameyn ku yeeshay isku socodka dadka iyo
gaadiidka, waxaana saaka la arkayay, iyagoo dadka lugeynaya.
Sababaha loo xiray jidadka Muqdisho ayaa lagu sheegay shirar muhiim ah oo
maanta ka furmaya magaalada Muqdisho, kuwaa oo looga hadlayo guud ahaanba
Amniga dalka iyo howlgalada ka dhanka ah Al-shabaab.
Waddooyinka xiran ayaa halbowle u ah isku socodka degmooyinka Gobolka
Banaadir, waxaana saakay lagu arkayay ciidamo fara badan.
Sidoo kale waxaa xiran wadada Muqdisho iyo Afgooye, iyadoo laga joojiyay gadiidka koontaroolka Siinka Dheer.
C/raxmaan Diini, Hiiraan Online
[email protected]
