Jaaliyadda Hirshabeele ee Minnesota oo Kulan Taageero ah sameeyay Madaxwayne Waare, SAWIRO iyo VIDEO
Axad, December, 03, 2017 (HOL) –Jaaliyadda Soomaalida Minnesota gaar ahaan Jaaliyadda ka soo
jeeda maamul goboleedka Hirshabeele ayaa qabtay kulan aad u balaaran oo ay ku
taageerayeen madaxwaynaha cusub ee Hirshabele Maxamaed Cabdi Waare ,isla markaana ay ku
xusayeen sanadguuradii 1aad ee ka soo wareegtay
aasaaskii Maamul goboleedka Hirshabeele,
Xafladaan oo lagu qabtay xarunta way nee shirarka iyo
xafladaha ee Grand Veiw Hall ayaa waxaa ka soo qaybgalay dadwayne aad fara badan
oo isagu jiray Culumodiin ,Aqoonyahano ,Siyaasiin,Odayaasha Waxgaradka ah ee
reer Minnesota, Salaadiin, Dhalinyaro, iyo Haweenka.
Waxaa halkaa laga jeediyey khudbado lagu taageeraayay
madaxwaynaha Cususb ee hirshabeele iyo Maamulkiisa.
Maxamed Ciise Muuday oo xubin ka ahaa dadkii soo
qabanqaabiyey ayaa HOL u sheegay inay aad ugu faraxsan yihiin doorashada
Baarlamaanka Hirshabele ay u doorteen Aqoonyahan Waare uuna ahaa shaqsi ku
haboon qabashada xilkaas sidaa dardeedna ay taageeradiisa darted ay caawa isagu
yimaadeen intaan oo qof,
Waana xafladd kulmisay taageerada madaxwaynaheena iyo
sanadguuradii Hirshabeele aasaaskeeda, Muudey waxaa kaloo aad ugu mahadceliyey
madaxwaynahii hore ee Soomaaliya Xasan Sh Maxamud oo ku tilmaamay shaqsi kaalin
wayn ka qaatay dhisida Maamaulka Hirshabale.
Intii ay xafladdu Socotay ayaa lagu soo bandhigay Heeso iyo
gabayo kala duwan oo looga hadlaayey Maamulka Hirshabale iyadoo ay ka
dhexmuuqatay Xidigta Fanka ee Waqooyiga Ameerica Hodan Cabdiraxmaan Dheere.
Ugu danbayntii xafladii xalay ayaa ku soo dhamaatay jawi
farxad leh iyadoo ay aad uga maqsuudeen dadwaynahii ka soo qaybgalay.
Siyad Said Salah
[email protected]
Hiiraan Online
Minneapolis, MN
