Ra'iisal wasaare Kheyre oo soo gabagabeeyay Tarantankii kubadda Cagta maamul gobolleedyada
Jimco, December, 22, 2017 (HOL)–Ra'iisal wasaaraha xukuumadda Soomaaliya Xassan Cali Kheyre ayaa ugu danbeyntii soo gabagabeeyay Tartanka Kubadda Cagta maamul gobolleedyada oo ay ku guuleysteen Cayaartooydii ku cayaarayay magaca maamul gobolleedyada Jubbaland.
Kooxda Kubadda Cagta Jubbaland ayaa 1-0 uga adkaatay Xiddigihii ku cayaarayay magaca maamulka Puntland, waxaana muuqata in Jubbaland ka
Aargoosatay Puntland oo sanadkii hore ka qaaday Koobka , waxaana maanta ay soo
bandhigeen Ciyaar aad u wanaagsan.
Jubbaland ayaa Goolka dhalisay daqiiqadii 74aad ee qeybtii labaad ee
ciyaarta, waxaana markii garsooraha uu ku dhawaaqay seeriga inay dhamaatay
ciyaarta ayaa waxaa ciyaartooyda iyo taageerayaashooda ay bilaabeen dabaal dega.
Ra’iisl wasaaraha xukuumadda Soomaaliya Xassan Cali Kheyre ayaa Koobka
guddoonsiiyay xulka Kubadda Cagta Jubbalanad, sidoo kalana waxaa la bixiyay
abaalmarino kala duwan oo la siiyay cayaartooy ka tirsaneyd kooxihi ka
qeybgalay tartanka.
C/raxmaan Diini, Hiiraan Online
[email protected]