Jimco, December, 01, 2017 (HOL) - Waxaa maanta Xerada 54 aad Ee Garoowe lagu qabtay Xaflad
lagu wareejinayay ciidamo ka tirsan kuwa daraawiishta Puntland oo ku biiraya
Ciidamada Xoogga dalka Soomaaliyeed.
Ciidamada oo tiro ahaan gaaraya 2,400 oo Askari, ayaa
qayb ka ah ciidammo laga qorayay Maamulada xubnaha ka ah dowladda federaalka,
waana heshiis horey loo kala saxiixday oo ku saabsanaa isku dhafka ciidamada
Soomaaliya.
Taliyaha Guud Ciidamada difaaca Puntland S/guud Siciid Maxamed Xirsi Siicd Dheere ayaa
sheegay ciidamada Puntland ku wareejisay dowladda dhexe gaar ahaan wasaaradda
Gaashaandhiga Soomaaliya inay ka yimaadeen ciidamada Puntland oo dhexdooda laga
soo xulay, wuxuuna carrabka ku adkeeyay in ciidamada yihiin ciidamada xoogga
Puntland ee ku sugnaa xertyaha difaaca.
Wasiiru-dowladdaha wasaaradda gaashaandhiga dowladda
federaalka Soomaaliya, Maxamed Cali Xaggaa, ayaa sheegay maanta laga bilaabo in
ciidamada daraawiishta Puntland ay ka mid ahaan doonaan ciidanka xoogga dalka
Soomaaliyeed ayna dowladda federaalka la wareegi doonto dhammaan wixii xuquuq
ah oo ay ciidamada leeyihiin.
Madaxwayne ku xigeenka maamulka Puntland ayaa C/xakiin
Xaaji Cumar (Camey) ayaa sheegay in waqti badan soo qaadatay in la diyaariyo
ciidamada ay wareejinayaan.
C/raxmaan Diini, Hiiraan Online
[email protected]