Khamiis, Augusto, 31,
2017 (HOL) – Waxaa todobaad ku dhawaad kaddib la Aasay meydadkii dadkii rayidka
ahaa dhawaan lagu dilay weerarkii ka
dhacay deegaanka Bariire ee gobolka Shabeellaha hoose, kaddib markii ay is
afgarad arintan ka gaareen ehlada dadka dhintay iyo dowladda federaalka.
Ehelada ayaa horay u sheegay in ay dadkan Aasi doonin ilaa
dowladda federaalka ay ka qiraneyso dilka dadka rayidka ah dhinaca kalana
magdhaw laga siinayo.
Warar soo baxaya ayaa sheegaya in dowladda federaalka
ogolaatay in magdhaw la siiyo ehelada dadkii ku dhintay weerarka, laakiin lama
oga cadadka lacagta dowladda ay magdhaw ahaan u siineyso qoysaska ay dadkaasi
ka baxeen.
Baaaritaanka arintan ku saabsan ayeey dowladdau u saartay
guddi heer wasiiro ah oo tagay goobta uu falku ku dhacay, waxaana la filayaan
dhawaan in ay soo saaraan warbixin la xiriirta sida uu dilka u dhacay.
Weerarkii Bariire ayaa sidoo kale qalqal ka dhax abuuray
warbaahinta iyo dowladda federaalka, kaddib markii wasiiro ka tirsan xukuumada
Soomaaliya siyaabo kala duwan ula wadaageen qalabka warbaahinta habka uu
weerarka u dhacay iyo in dad rayid ah weerarkaasi lagu dilay.
C/raxmaan Diini, Hiiraan Online
[email protected]