Dowladda Itoobiya oo xaqiijisay in dowladda Soomaaliya u soo gacan galisay sarkaal ka tirsanaa ONLF
Khamiis, Augusto, 31,
2017 (HOL) – Dowladda Itoobiya ayaa si rasmi ah u sheegtay in dowladda
Soomaaliya u soo gacan-galisay sarkaal ka tirsanaa Jabhada ONLF oo todobaadkii
hore lagu qabtay magaalada Gaalkacyo.
Dr. NEGERI Lencho, wasiirka arrimaha warbaahinta dowladda
Ethiopia ayaa wareysi uu siiyay qeybta Afka Amxaariga ee idaacadda VOA ku
sheegay in dowladda Soomaalia ay u soo gacan galisay Cabdikariim Sheekh Muuse oo
ka tirsanaa ururka ONLF.
“Waxaan kuu
xaqijinayaa in Ethiopia loo soo gudbiyay
sarkaalka ONLF ka tirsan, waxaana soo gudbinta ay ku dhacday heshiis nagala
dhaxeeya dowladda Soomalia, mas’uulkan wuxuu ka tirsan yahay ururka ONLF oo ah
urur argagixiso ah” ayuu yiri.
Dowladda Soomaaliya oo arintan wax laga weydiiyay waxaa
ay ku gaabsatay in ay ka hadli doonto waqtiga ku haboon, laakiin ma aysan bixin
faah faahin intaa ka badan.
ONLF ayaa dhinacooda ku eedeeysay dowladda Soomaaliya in
ay Itoobiya u gacan galiyeen Cabdikariin Sheekh Muuse Qalbi Dhagax, waxaana ay
arintaan ku tilmaameen mid xad gudub ku ah xeerka caalamiga ah.
C/raxmaan Diini, Hiiraan Online
[email protected]