Khamiis, Augusto, 31,
2017 (HOL) – Diyaar-garowga maalinta Ciidda ayaa
ee deegaannada gobolka Sool ka duwan kuwii ka horeeyey iyadoo ay jiraan
khalkhal dhaqaale, kaddib markii la diidey qaybo ka mid ah lacagta Soomaaliga.
Suuqa magaalada Laascaanood ayaa
qaybo ka mid ah ay dadku teelteel ku yihiin halkii ciidahii hore ay maantoo
kale aan la heli jirin meel banaan.
Maryan Cali oo haysata carwo suuqa
dhexdiisa ku taal ayaa HOL u sheegtay in aysan dadku aad hada wax u iibsanayn
iyadoo dadka qaarkiina ay wataan lacagaha la diidan yahay.
"Waxaan haystey lacag iyadiina
waa laygu diidey, hadana garan maayo si aan u maaraydoono, waxaanse
talasaaranaynaa Illaahay" sidaa waxaa sheegtay Raxma C/salaan, waxaana ay
intaas raacisay in sariflayaashu kuu sarifayaan markaad ka tagtana la kala
gurayo oo inta badan lagugu soo celinayo.
Maamulka Gobolka ayaa amar ku
bixiyey in la qaato wixii lacag ah marka laga reebo lacag duug ah oo dhowaan
soo gashay gobolka, balse amarkaas ilaa hada waa adagtahay inuu fulo iyadoo dad
badan la xidhxidhay.
Si kastaba ha ahaatee waa Ciiddkii
ugu adkaa uguna dhaqaalaha liitey gobolka iyadoo ay la wadaagaan dhulbadan oo
Soomaaliya ah.
Seynab Cabdi Warsame
