Madaxweyne ku xigeenka Somaliland oo shaqadii ka joojiyey Badhasaabka gobolka Awdal
Talaado, August, 29, 2017 (HOL)-
Madaxweyne ku xigeenka Somaliland Cabdiraxmaan Cabdilaahi Ismaaciil Saylici
ayaa shaqadii ka joojiyey Badhasaabkii gobolka Awdal Mustafe Shiinne, waxaana
lagu eedeeyey inuu gallay shaqo aanu awood u lahayn,isla markaana luminaysa
kalsoonadii dadweynaha gobolka.
Go’aankan madaxweyne ku xigeenku
ku saxeexan yahay ayaa lagu sheegay in shaqaddii laga joojiyey, waxaana u
qornayd sidan:
Ujeeddo:Shaqo ka joojin:
Kadib markii aad ku kacday
khaladaad badan oo luminaya kalsoonida shacabka gobolku ku qabaan dawladnimada kana leexatay siyaaasadii
xukuumadda.
Ka dib markaad farogalisay arrimaha
dhulka oo aanay ku siinaynin xeerarka dalka u yaalla, iyadoo ay tahay shaqada
dawlada hoose,
Ka dib markii aan ogaaday in aad
ka maqan-tahay shaqadii gobolka ee lagu igmaday, dadweynaha gobolkana iiga timid
cabashooyin la xidhiidha xil gudasho la’aantaadda.
Sidaas darteed iyadoo lagu jiro
wakhti xasaasi ah waxaan go’aansaday inaan ka joojiyo shaqadii qaranka u
haysay, waxaana ku farayaa in si ku meel gaadh ah ugu sii wareejiso shaqadda
gudoomiye ku xigeenka gobolka.” .
Waa markii ugu horeysay
taariikhda ee madaxweyne ku xigeenku masuul shaqadda ka joojiyey, haseyeeshee
tan ayaa muran ka dhex abuuri doonta madaxweyne ku xigeenka iyo Badhasaabka
gobolka Awdal Mustafe Shiinne.
Barkhad-ladiif M. Cumar,
Hiiraan Online
[email protected]
Hargeysa, Somaliland.
