3/28/2024
Today from Hiiraan Online:  _
Wararka Maanta- Jimco, Aug 25, 2017
Guddiga doorashada madaxweynaha maamulka Hirshabeelle oo dhawaan la magacaabayo

 

Jimco, Augusto, 25, 2017 (HOL) – Guddoomiiyaha baarlamaanka maamulka Hirshabeelle Cismaan Barre Maxamed ayaa sheegay in dhawaan ay soo magacaabi doonaan guddiga doorashada madaxweynaha maamulka Hirshabeella, kaddib markii baarlamaanka Hirshabeelle uu kalsoonidii kala noqday madaxweynihii maamulka Cali Cabdullaahi Cosoble.

Guddoomiiyaha ayaa sheegay in gudiga doorashada ka koobnaan doonaan sagaal xubnood oo dhamaantood laga soo xulayo baarlamaanka maamulka, waxaana la filayaa in guddigu ka shaqeeyo sidii ay u dhici laheyd doorashada iyo sharuudaha laga doonayo musharixiinta xilka madaxweynaha.

‘’Guddiga marka laga dhawaaqo waxaa ay guda-gali doonnaan diiwaangalinta musharixiinta iyaga oo siddoo kalana jadwal u sameyn doona habka ay doorashada u dhaceyso’’ ayuu yiri guddoomiyaha baarlamaanka maamulka Hirshabeelle.

Dowladda Soomaaliya oo go’aan ka qaadatay khilaafkii soo kala dhaxgalay maamulka Hirshabeelle ayaa ku baaqday in muddo 30 cisho ah lagu soo doorto madaxweyne cusub muddadaa oo ka bilaabaneysa 14kii bishan oo ay xildhibaannadu kalsoonida kala noqdeen madaxweynaha.

C/raxmaan Diini, Hiiraan Online
[email protected]













Click here
8/25/2017 12:59 PM EST
Jimco, Augusto, 25, 2017 (HOL) –Dowladda Soomaaliya ayaa qiratay in ay ka danbeysay weerarkii lagu qaaday deegaan hoostaga degmada Bariire ee la sheegay in lagu laayahay dad shacab ah oo qaarkood maanta la keenay meydadkooda magaalada Muqdisho.

8/25/2017 10:24 AM EST
Jimco, Augusto, 25, 2017 (HOL) – Isbitaalka Madiina ee magaalada Muqdisho ayaa goor dhaw oo maanta ah warbaahinta loogu soo bandhigay meydadka ilaa 10 ruux oo rayid ah oo la sheegay in lagu dilay howlgal ay wada jir uga fuliyeen ciidamo Mareykanka ah iyo kuwa Soomaaliya deegaan u dhaw degmada Bariire ee gobolka Shabeellaha hoose.

8/25/2017 5:42 AM EST
Jimco, Augusto, 25, 2017 (HOL) –Duqeyn diyaaradeed oo xalay ka dhacday tuulo u dhow deegaanka Bariire, ayaa waxaa lagu dilay sagaal qof oo beeraley ah, sida dadka deegaanka ay sheegeen.

8/25/2017 4:21 AM EST
Jimco, Augusto, 25, 2017 (HOL) –Ciidamada dowladda Ciraaq ayaa si buuxda ugu hareereeysmay kooxda Daacish ee ku sugan magaalladda Tal Afar ee waqooyga dalka Ciraaq, sida dowladda ay sheegtay.

8/25/2017 3:09 AM EST
Jimco, Augusto, 25, 2017 (HOL) –Guddoomiye ku-xigeenka dhanka amniga ee gobolka Gedo Cismaan Nuur Xaaji ayaa sheegay mid kamid ah Taliyeyaasha Howlgelinta Al-shabaab ee Gedo in uu isku soo dhiibay ciidanka dowladda.

8/25/2017 2:13 AM EST
Jimco, Augusto, 25, 2017 (HOL) –Golaha Wasiirada ee Xukuumada Federaalka Soomaaliya oo shalay yeeshay kulankoodii caadiga ahaa ayaa waxaa shir-guddoominayay Ra’iisal Wasaaraha Xukuumada Mudane Xasan Cali Kheyre.

8/25/2017 1:57 AM EST
Jimco, Augusto, 25, 2017 (HOL) –Qaramada Midoobey ayaa ku baaqday in si ku-meel gaar ah loo hakiyo dagaalka ka dhanka ah kooxda Daacish ee ka socda magaalladda Raqqa ee dalka Suuriya.

8/25/2017 1:43 AM EST
Jimco, Augusto, 25, 2017 (HOL) –Dagaalyahanno ka tirsan Al Shabaab ayaa xalay weerar ballaaran ku qaaday fariisin ciidamada dowladda ay ku leeyihiin degaanka Qaansheeg oo ku yaalla duleedka degmada Balcad ee gobolka Shabeellaha Dhexe, sidad dadka deegaanka ay sheegeen.