Khamiis, Augusto, 24,
2017 (HOL) – Wadahadal dhexdhexaadin ah oo
labadii maalmood ee u danbeeyey ka soconayey magaalada Buuhoodle ayaa laga soo
saaray qodobo labada dhinac ee dirrirtu dhexmartay ay ku heshiiyeen.
Guddi dhexdhexaad ah oo ka kala yimi
degaano badan ayaa hawshan u fududeeyey in 30 xubnood oo labada dhinac ah ay
wadaxaajood isu soo horfadhiistaan, ka dib markii laga qaaday ciidamadii labada
dhinac.
Qodobada ka soo baxay ee labada
dhinac isla qaateen ayaa waxaa ka mih in dadkii dhintay ee labada beelood ahaa
labada dhinac bixyaan magtooda, in dadka dhaawaca ah qolo waliba dawaysato
wixii ka dhaawacmay, wixii dadka kale ahna iyagu qabaan oo loo qaybinayo.
Waxaa kale oo qodobada muhiimka ah
ee laga soo saaray in qofkii qof dila loo dilo, waxaa kale oo labada beelood
lagu ganaaxay 50 halaad iyo 40 halaad iyadoo mid lagu eedeeyey gacan ku dhiigle
la fakiyey beesha kalena degdeg aanay sugin baadigoobka lagu maqnaa ee ay
xabada kaga jawaabeen.
Dhaliyarada, waxgaradka iyo Haweenka
labada beelood ayaa wada si wadajir ah kulamo ugu yeelaya xaafadaha magaalada
Buuhoodle iyadoo ay ka shaqaynayaan midowga dhalinyarada oo maalmihii la soo
dhaafay wadey dadaal ay ku xakamaynayeen colaadan oo ay ku dhinteen 11 ruux oo
mid ka mid ahi ahaa ergadii gurmadka u tagtay degaankaas,
Si kastaba ha ahaatee magaalada
Buuhoodle ayaa maanta ka bedelan sidii ay ahayd maalmihii la soo dhaafay,
waxaana si aad ah loo hadal hayaa socodsiinta Qisaasta oo magaaladaasi
mudooyinkii u danbeeyey sharci rasmi ah u ahaa iyadoo 12 ruux laysu diley mudo
sanad ka yar.
Seynab Cabdi Warsame
Laascaanood G. Sool
[email protected]