3/28/2024
Today from Hiiraan Online:  _
Wararka Maanta- Khamiis, Aug 24, 2017
Madaxda dowladda Soomaaliya oo la kulmay ku-xigeenka xog-hayaha QM ee dhinaca siyaasada

 

Khamiis, Augusto, 24, 2017 (HOL) – Madaxweynaha dowladda Soomaaliya Maxamed Cabdullaahi Farmaajo iyo ra’iisal wasaare Xassan Cali Kheyre ayaa kulan la yeeshay ku-xigeenka xog-hayaha QM ee dhinaca siyaasada Jeffrey D. Feltman oo maanta Muqdisho.

Kulanka mas’uuliyiinta sare ee dowladda iyo Jeffrey D Feltman waxaa looga hadlay xaalada Soomaaliya dhinacyada siyaasada, amniga, dhaqaalaha, dastuurka, iyo xiriirka dowlad gobolleedyada iyo dowladda dhexe.

“Soomaaliya waxey ku tallaabsaneysaa horumar ballaaran oo laga sameynayo dhinaca siyaasadda iyo amniga iyo dhismaha mustaqbal wanaagsan oo horseedaya dib-u-soo kabashada dalka, waxaaa hubaal ah in aan ka mira-dhalin doonno barnaamijyada la xiriira dhismaha Soomaaliya xoog leh oo sharcigu sareeyo’’ ayuu yiri ra’iisal wasaare Kheyre.

 

Jeffrey D. Feltman ayaa sheegay in uu ku faraxsan yahay kulanka uu la qaatay mas’uuliyiinta sare ee dowladda federaalka Soomaaliya, isaga oo sheegay in uu soo dhaweynayo dhinaca kale hormarka muuqada ee waqtigan Soomaaliya ka jira.

‘’Waxaa Soomaaliya kala shaqeyn doonnaa gaarida doorasho madax-banaan oo xor ah sanadka 2020ka, dib-u-eegista dastuurka, arimaha federalka, iyo siddii caalamku Soomaaliya u siin lahaa taageero buuxda’’ayuu yiri Jeffrey D Feltman.

Kulanka ayaa waxaa goob-joog ka ahaa wasiiru-dawlaha xafiiska ra’iisul wasaaraha iyo Wakiilka Xog-hayaha guud ee Qaramada Midoobay u qaabilsan Arrimaha Soomaaliya.

C/raxmaan Diini, Hiiraan Online
[email protected]













Click here
8/24/2017 11:45 AM EST
Khamiis, Augusto, 24, 2017 (HOL) – Wadahadal dhexdhexaadin ah oo labadii maalmood ee u danbeeyey ka soconayey magaalada Buuhoodle ayaa laga soo saaray qodobo labada dhinac ee dirrirtu dhexmartay ay ku heshiiyeen.

8/24/2017 10:49 AM EST
Khamiis, Augusto, 24, 2017 (HOL) – Madaxweynaha dowlad goboleedka Jubbaland ee Soomaaliya Mudane Axmed Maxamed Islaam ayaa maanta si rasmi ah xariga uga jaray Maxjarka Xanaanada Xoolaha ee Jubba kaasoo laga hir-galiyay duleedka magaalada Kismaayo

8/24/2017 10:24 AM EST
Khamiis, Augusto, 24, 2017 (HOL) – Iyadoo dowladda federaalka Soomaaliya dhawaan go’aan ka qaadatay xiisadii siyaasadeed ee khilaafkii soo kala dhaxgalay maamulka Hirshabeelle, kuna baaqay in la qabto doorasho madaxweyne’’ ayaa waxaa arintaa ka soo horjeestay odayaal iyo waxgarad ku shiray magaalada Beledweyne.

8/24/2017 7:09 AM EST
Khamiis, Augusto, 24, 2017 (HOL) – Ku-xigeenka xog-hayaha guud ee QM dhinaca siyaasada Jeffrey Feltman ayaa maanta soo gaaray magaalada Muqdisho, waxaana uu kulamo la qaadanayaa madaxda dowladda.

8/24/2017 4:50 AM EST
Khamiis, Augusto, 24, 2017 (HOL) – Safiirkii Ruushka ee dalka Suudan Mirgayas Shirinskiy ayaa meydkiis laga helay barkada dabaasha ee qolkiisa magaalada Khartuum ee dalka Suudaan maalintii Arbacada shalay , sida ay sheegeen saraakiisha booliiska.

8/24/2017 3:07 AM EST
Khamiis, Augusto, 24, 2017 (HOL) –Madaxweynihii hore ee Soomaaliya Mudane Xasan Sheekh Maxamuud ayaa dalka Koonfur Afrika kaga qeyb-galaya shir-weyne ay soo qaban qaabisay hay”dda Thabo Mbeki foundation, kaas oo ay ka qeyb-galayaan Hogaamiyaashii soo maray Qaaradda Africa.

8/24/2017 2:18 AM EST
Khamiis, Augusto, 24, 2017 (HOL) –Hooyo soomaaliyeed oo 27-jir ah ayaa isniintii lasoo dhaafay lagu dilay magaalladda Bristol ee dalka Britain, kadib marki uu toorreeyay seygeeda oo lagu magacaabo Aden Dahir.

8/24/2017 1:48 AM EST
Khamiis, Augusto, 24, 2017 (HOL) –Dowladda Masar ayaa xabsiga dhigtay 12 qof oo looga shakisan yahay in ay ku lug lahaayeen ka ganacsiga xubnaha jirka bani'aadamka, sida warbaahinta dalkaasi ay sheegeen.

8/24/2017 1:23 AM EST
Khamiis, Augusto, 24, 2017 (HOL) –Tababare Police oo ka tirsan Howlgalka Midowga Afrika ee Soomaaliya ee (AMISOM) ayaa Arbacadii shalay sheegay in ay bilaabeen tababar socon doona 10 maalmood, kaas oo ciidamada Police-ka Soomaaliya lagu barayo ka hortagida falalka argagixisada, si loo hagaajiyo khibradooda ku wajahan ladagaalanka argagixisanimada.

8/24/2017 12:54 AM EST
Khamiis, Augusto, 24, 2017 (HOL) –Kooxo hubeysan ayaa xalay xaafadda Xaawo Taako ee degmadda Afgooye ku dilay Nabadoon Duraan Cali Axmed oo ka mid ahaa Odayaasha Dhaqanka ee Degmada Afgooye, sida uu sheegay Madaxa Arrimaha Bulshada ee Maamulka Gobolka Shabellaha Hoose.