Arbaco, Augusto, 23, 2017 (HOL) – Madaxa Kubada Cagta Aduunka Gianni Infantino, ayaa
dhambaal tacsi ah u soo diray xiriirka Soomaaliyeed ee kubadda Cagta, isaga oo
uga tacsiyeeyay geeridii todobaadkii hore ku timid guddoomiyihii guddiga
garsoorayaasha xiriirka Soomaaliyeed ee kubadda cagta Cismaan Jaamac Diraac oo
ay dileen rag hubeysan.
Cusmaan Jaamac Diraac, ayaa soo noqday garsoore hore oo ka tirsan FIFA,
waxanna uu tan iyo 2010-kii uu ka mid ahaa guddiga fullinta xiriirka
Soomaaliyeed ee Kubadda cagta.
“Waxaa uu ku dadaalayay hormarinta Kubada Cagta Soomaaliya iyo Africa, waxaa
uu ka mid ahaa xubnaha Kubadda Cagta adduunka, qoyskiisa iyo dadka isaga jeclaa
waa uga tacsiyeeyneynaa, waa arrin murugo leh dhacdadaasi’’ ayuu yiri madaxweynaha
FIFA Gianni Infatntino.
Marxuumka ayaa shaqadda garsoorka dalka waxaa uu ku soo biiray sannadkii
1986-kii, isagoo soo dhex dhexaadiyay Kubadda Cagta. Laliska iyo Gacanta.
C/raxmaan Diini, Hiiraan Online
[email protected]