3/29/2024
Today from Hiiraan Online:  _
Wararka Maanta- Axad, Aug 20, 2017
Wefti ka socda dalka Britain oo kulamo la yeeshay xisbiyadda iyo xukuumadda Somaliland

 
Axad, August, 20,  2017 (HOL)- Wefti uu hogaaminayo wasiiru-dowlaha dalka Britain ee iskaashiga caalamiga ah  ayaa maanta kulamo la yeeshay hogaamiyeyaasha xisbiyada iyo xukuumadda.

Weftigan ayaa gaar gaar ula kulmay gudoomiyeyaasha saddexda xisbi iyo xukuumadda, waxaanay ka wada hadleen arrimaha doorashooyinka iyo iskaashiga ka dhexeeya labadda dhinac.

Gudoomiyaha xisbiga UCID Eng:Faysal Cali Waraabe ayaa ka warbxiyey kulankii ay wada yeesheen weftigan  ayaa sheegay inay ka wada hadleen arrimo badan oo khuseeya Somaliland iyo SOomaaliya.

“weftigan waxa hogaaminayey Wasiirudawlaha iskaashiga caalamiga ee Ingiriiska, waxaana la socday safirka Uk u qaabilsan Soomaaliya iyo saraakiil kale, waxay aad u danaynayeen doorashada oo socda iyo doorashada ka dib-ba, waxaanu u sheegnay in Somaliland nabadgalyada ay samaysay dan u tahay geeska Afrika”ayuu yidhi Faysal Cali Waraabe.

Waxa kale oo uu Faysal Cali Waraabe sheegay in weftiga u sheegeen in xalka Soomaaliya ku jirin farogalin ajanabi ee gacantooda ku xalisan karaan, waxaanu yidhi “ waxa kale oo aanu u sheegnay in nabadgalyada soomaaliya lala doonayo ay ku jirto gacandooda oo aanu  xal ugu jirin gacmo Ajanabi , kuwaas oo aan xal u keeni Karin, wadamada jaarka iyo cid kale toona nabadgalyo kama dhalin karaan balse way sii dheeraynaaa”

Waxa kale oo uu sheegay inuu uga mahad naqay taageerada ay siiyaan Somaliland wadanka Ingiriiska oo ay wax kala qabtaan arrimaha doorashooyinka iyo dimuqraadiyadda, waxaanu usoo jeediyey in dadkii abaaraha xoolo tirtay wax kala qabtaan sidii noloshoodii hore loogu soo celin lahaa.

Dhinaca kale, gudoomiyaha xisbiga mucaaradka ah ee WADDANI Cabdiraxmaan Cirro ayaa isna ka war bixiyey kulankaasi ay la yeesheen weftigan ka socda UK oo ay maanta kulmeen.

“waxa maanta inoo yimid weftigii ugu cuslaa oo ka socda wadanka Ingiriiska, oo ka koobna ilaa tobaneeyo qof oo uu hogaaminayo wasiir oo uu ku jiro safiirka Ingiriiska u fadhiyey Soomaaliya, agaasimeyaal kale oo la socday wasaaradda arrimaha dibadda Ingiriiska iyo wadamada deeqda bixiya waxay u yimaadeen Somaliland, inay kala hadlaan arrimaha doorashooyinka, iyo horumarka iyo iskaashiga ka dhexeeya Somaliland”ayuu yidhi Cirro.

Weftigan ayaa labadda xisbi mucaaradka gaar ula kulmay, halka xisbiga kulmiye iyo xukuumadana midba gaar ula kulmay, waxaana ka wada hadlayeen arrimaha doorashooyinka iyo caqabooyinka ka hor yimid mudadii kaadh qaybinta iyo sidii doorashaddu u dhici lahayd si dimuqraadi ah.

Barkhad-ladiif  M. Cumar, Hiiraan Online
[email protected]
Hargeysa, Somaliland.













Click here
8/20/2017 1:49 PM EST
Axad, Augusto, 20, 2017 (HOL) –Ra’iisul Wasaare ku xigeenka Soomaaliya Mudane Mahdi Maxamed Guuleed (Khader) ayaa maanta xafiiskiisa ku qaabilay Safiirka dalka China u qaabilsan arrimaha Soomaaliya Mr Qin Jain,waxayn ka wada hadlayn habkii loo abuuri lahaa iskaashi caalami ah oo dhexmara China iyo Soomaaliya, iyo sidii labada wadan uga wada shaqeyn lahaayeen dhanka maalagashiga iyo Ganacsiga.

8/20/2017 1:42 PM EST
Axad, Augusto, 20, 2017 (HOL) –Ra'iisul Wasaaraha Xukuumada Federaalka Soomaaliya Mudane Xasan Cali Khayre ayaa maanta kulan la qaatay Culumada Soomaaliyeed oo uu kala hadlay sidii loo xoojin lahaa doorka culumada ee dib u dhiska dalka.

8/20/2017 12:12 PM EST
Axad, August, 20, 2017 (HOL)- kalfadhigii maanta lagu dooran lahaa gudoomiye ku xigeenka kowaad ee golaha Wakiilada ayaa baaqday ka dib markii ay soo xaadireen xildhibaano tiro yar oo aan buuxin Karin kooramka laga rabay golaha oo ah 42 xildhibaan.

8/20/2017 11:49 AM EST
Axad, Augusto, 20, 2017 (HOL) – Madaxweynaha Hirshabeelle ee dhawaan xildhibaannadu sheegeen in ay kalsoonida kala noqdeen ayaa ku gacan-seyray go’aanka ay dowladda ka qaadatay khilaafka maaamulka, kaddib markii war ka soo baxay wasaarada arimaha gudaha lagu Ayiday xil ka qaadistiisa.

8/20/2017 10:01 AM EST
Axad, Augusto, 20, 2017 (HOL) – Madaxweyne ku xigeenka Puntland C/xakiin Xaaji Cumar Camey ayaa sheegay in Puntland ay ka hortagayso in deeganada lagu muran-sanyahay la keeno sanaadiiqda cod bixinta ee Maamulka Somaliland.

8/20/2017 8:33 AM EST
Axad, Augusto, 20, 2017 (HOL) – Wasiirka Dastuurka dowladda federaalka Soomaaliya Cabdiraxmaan Xoosh Jabriil oo ay weliyaan agaasimaha guud iyo la-taliyayaal ka tirsan wasaaradda ayaa maanta la kulmay guddiga baarlamaanka ee la-socodka dib-u-eegista dastuurka.

8/20/2017 7:50 AM EST
Axad, Augusto, 20, 2017 (HOL) – Waxaa lagu guulaystey in la kala qaado dhinacydii shalay ku dagaalamay magaalada Buuhoodle, kadib markii gurmad waxgaradah ay degaano kala duwan ka yimaadeen.

8/20/2017 6:07 AM EST
Axad, Augusto, 20, 2017 (HOL) – Dowladda federaalka Soomaaliya ayaa mowqif ka qaadatay khilaafka siyaasadeed ee maamulka Hirshabeelle, waxaana ay dowladdu aqbashay go’aankii ay qaateen xildhibaannada ee kalsoonida lagala laabtay Cali Cabdullaahi Cosoble.

8/20/2017 5:51 AM EST
Axad, Augusto, 20, 2017 (HOL) – Weerarrada shaqaalah gargaarka QM ee ka howlgala gudaha dalka Soomaaliya ayaa kordhay sanadkan, iyadoo natiijada weeraradan ay noqotay in ay dhintaan qaar ka mid ah shaqaalaha gargaarka ka howlgala.

8/20/2017 5:21 AM EST
Axad, Augusto, 20, 2017 (HOL) – Wararka naga soo gaaraya degmada Xeraale ee gobolka Galguduud ayaa sheegaya in halkaa uu ka soconayo dagaal culus oo u dhaxeeya ciidamada Ahlu Sunna Waljameeca iyo maleeshiyaad abaabulan oo ka tirsan dadka deegaanka.

8/20/2017 3:09 AM EST
Axad, Augusto, 20, 2017 (HOL) –Ciidamada ammaanka ee Jazeera Malta, ayaa xabsiga dhigay Laba nin oo Soomaali oo lagu eedeeyay in dambiyo kala duwan ay geysteen.

8/20/2017 2:32 AM EST
Axad, Augusto, 20, 2017 (HOL) –Ra'iisul Wasaaraha dalka Ciraaq ayaa ku dhawaaqay dullaan ka dhan ah kooxda Daacish.

8/20/2017 2:24 AM EST
Axad, Augusto, 20, 2017 (HOL) –Maamulka Gobolka Shabeellaha Hoose, ayaa sheegay in ay howlgallo ka dhan ah Al Shabaab ay ka waddaan guud ahaan deegaannada hoos yimaada Gobolka.

8/20/2017 2:01 AM EST
Axad, Augusto, 20, 2017 (HOL) –Ra’iisul Wasaaraha Xukuumadda Federaalka ee Soomaaliya Xasan Cali Khayre, ayaa si kulul u cambareeyay weerarkii maalmo ka hor ka dhacay Magaalladda Barcelona ee dalka Spain.

8/20/2017 1:51 AM EST
Axad, Augusto, 20, 2017 (HOL) –Madaxweynaha Jamhuuriyada Federaalka ee Soomaaliya Maxamed Cabdullahi Farmaajo, ayaa maanta ka ambabaxay garoonka diyaaradaha ee Magaalladda Muqdishu.