Axad, August, 20, 2017 (HOL)-
kalfadhigii maanta lagu dooran lahaa gudoomiye ku xigeenka kowaad ee golaha
Wakiilada ayaa baaqday ka dib markii ay soo xaadireen xildhibaano tiro yar oo
aan buuxin Karin kooramka laga rabay golaha oo ah 42 xildhibaan.
Xildhibaanadda diidan hogaaminta
Baashe Maxamed Faarax ayaa sheegay in aanu shirgudoomin Karin fadhiga maaadaama
oo aan lagu heshiin, sidaas darteed waxa ka dhashay buuq iyo in xildhibaanadda
badankoodu diidaan in ay soo fadhiistaan
hoolka shirarka ee golaha wakiiladda.
Xildhibaanadda golaha Wakiiladda
ayaan wali ku heshiin khilaafka ka dhashay doorashada gudoomiyaha golaha
Wakiiladda, taasina waxay keentay inuu dib u dhaco doorashaddii gudoomiye ku
xigeenka golaha Wakiiladda la dooran lahaa.
Gudoomiyaha golaha Wakiiladda
Baashe Maxamed Faarax ayaa mar kale dib u dhigay in golaha furmo waxaana loo
ballamay maalinta Arbacadda ee toddobaadkan.
Illaa hadda xildhibaanaddu iskuma
waafaqsanna doorashadda gudoomiyaha golaha Wakiiladda, sidaas darteed xildhibaanadda
mucaaradka ayaa sheegay in illaa hadda la xaliyo muranka doorashada gudoomiyaha
golaha wakiilada in aan goluhu furmi Karin.
Barkhad-ladiif M. Cumar,
Hiiraan Online
[email protected]
Hargeysa, Somaliland.