Axad, Augusto, 20, 2017 (HOL) –Madaxweynaha Jamhuuriyada Federaalka
ee Soomaaliya Maxamed Cabdullahi Farmaajo, ayaa maanta ka ambabaxay garoonka diyaaradaha
ee Magaalladda Muqdishu.
Madaxweynaha iyo wafdigiisa ayaa
waxaa ay kusii socdaan Magaalladda Qaahir ee dalka Masar, kadib markii
madaxweynaha casuumaad uu ka helay dhigiisa dalka Masar Abdifitaax al-Sisi.
“Madaxweynaha JFS waxaa uu ku sii
jeedaa dalka Masar, kadib markii uu casuumaad ka heley dhigiisa dalkaasi, wuxuu
lakulmi doonaan madaxweynaha dalkaasi C/fataax Al-sisi, waxaa ku wehliya
safarka madaxweynaha xildhibaano iyo wasiiro oo ay kamid yihiin wasiirada
arrimaha dibadda iyo waxbarashada”, sidaasi waxaa yiri Agaasimaha Madaxtooyada
Soomaaliya C/nuur Max’ed Axmed.
Mas’uuliyiinta safaaradda Soomaaliya
ee dalka Masar iyo jaaliyadda Soomaaliyeed ee ku nool magaalladda Qaahira ayaa
isku diyaarinaya sidii ay u soo dhaweyn lahaayeen wefdiga madaxweynaha
jamhuuriyadda Federaalka Soomaaliya.
Dhinaca kale Farmaajo, ayaa waxaa uu
la kulmi doonaa jaaliyadda Soomaalidda ee ku nool Qaahir, waxaana kulankooda uu
ka dhici doonaa MARKAZ MUTAMATAAD AL-AZHAR QAACADA FUSDHAAD, sida ku cad
qoraalka kasoo baxay Safaaradda.