Khamiis, Augusto, 17, 2017 (HOL) – Guddoomiyaha maamulka gobolka Banaadir Taabit Cabdi Maxamed
oo markii ugu horeysay maanta ka
qeybgalay shirka gollaha wasiirada ayaa dalbaday in 10% lagu kordhiyo dakhliga
gobolka Banaadir.
Shirka maanta waxaa shir guddoominayay ra’iisal wasaare
Xassan Cali Kheyre, waxaana warbixin guud oo la xiriirta xaaladaha amniga,
hormarada jira iyo waliba qabadaha heysta maamulka gobolka Banaadir laga
dhageystay guddoomiye Taabit oo warbixin
ka hor jeediyay gollaha wasiirada.
Guddoomiyaha ayaa sheegay in dakhliga ay ku howlgalaan 15 % ay ku shaqeeyaan ay ka hellaan dekedda
Muqdisho.
Maamulka Gobolka Banaadir ayaa todobaadkii hore daah
furay hanaanka maareynta Maaliyadda Dadweynaha, kaasoo ah nidaam casriga
ah oo lagu maamulayo miisaaniyada iyo isticmaalka qarashaadka Dowladda Hoose.
Waxaa uu ka codsaday gollaha wasiirada in 10% lagu
kordhiyo dakhliga ama miisaaniyada gobolka Banaadir lana gaarsiiyo ilaa 25 %.
Markii ugu horeysay oo guddoomiyaha gobolka Banaadir uu
ka soo dhax muuqdo shirka Khamiislaha ee gollaha wasiirada Soomaaliya.
C/raxmaan Diini,
Hiiraan Online
[email protected]