Guurtida Soomaaliland oo ka hadashay mooshinka baarlamaanka Soomaaliya ee ka dhanka ah hishiiska Berbera
Axad, April, 09, 2017 (HOL) - Guddoomiye ku xigeenka golaha Guurtidda Siciid
Jaamac Cali ayaa markii ugu horeeyey ka hadlay Mooshinka Baarlamaanka
Soomaaliya ka keenay heshiishka Saldhiga Berbera ee Imaaraadka laga kireeyey oo
baarlamaanka Somaland ogolaadeen.
Gudoomiye
ku xigeenka Guurtidda Siciid Jaamac oo wariyaashu su’aalo ka waydiiyeen
mooshinka xildhibaanadda Soomaaliya wadaan ee ka dhanka heshiishka Militari ee
Somaliland la gashay dalka Imaaraadka Carabta, haseyeeshee waxa uu sheegay inay
laba dal kala yihiin Somaliland iyo Soomaaliya, sidaas darteed wax
saamayn ah ku lahayn mooshinkaasi heshiishkan.
“Xildhibaanadda
Xamar ee leh heshiish baan burinayaa, dee Somaliland Xamar heshiish lama
galin,Somaliland iyo Xamarna laba dal oo kala gaar ah weeyi, dalna dal kale
arrimihiisa iyo horumarkiisa kama hadli karo”ayuu yidhi Siciid Jaamac.
Mar
la waydiiyey inay saamayn ku yeelan karo Somaliland mooshinkaasi xildhibaanadda
Soomaaliya wadaan haddii uu dhaco, waxa uu ku jawaabay “Wax saamayn ah uu ku
yeelanayaa ma jirto, waayo wax inaga dhexeeya jiraan, waxaana u aragnaa wax
aanay shaqo ku lahayn oo waxba ugu jirin inay ka shaqaynayaan,waana hawl aan
iyaga u oolin, hawshiina uun ku eekaada ayaan farayaa.”
Xildhibaanadda
Soomaaliya ayaa la sheegay inay wadaan mooshin ay ku burinayaan Heshiishka
saldhiga Militari ee Berbera laga yagleelayo ee Somaliland la gashay Imaaraadka
Carabta, inkastoo xukuumada Somaliland sheegtay in arrintaasi faro galin
ku tahay arrimaha Somaliland oo Soomaaliya farogalinayso.
Barkhad-ladiif M. Cumar, Hiiraan Online
[email protected]
Hargeysa, Somaliland