Sabti, April, 08, 2017 (HOL) – Ciidamada nabad-sugida maamul
gobolleedka Jubbaland ayaa howlgal ay ka sameeyeen qeybo ka mid ah xaafadaha
magaalada Kismaayo waxaa ay ku soo qabqabteen walxaha qarxa iyo miinooyin la doonayay
in loo adeegsado falal qaraxyo ah.
Axmed Maxamed Carab oo ka mid ah saraakiisha sar sare ee
nabad-sugida Jubbaland ayaa warbaahinta u sheegay in howlgal ay sameeyeen ku soo qab qabteen waxlaha qarxa oo
sida uu hadalka u dhigay la damacsanaa in lagu fuliyo
falal argagixiso.
‘’Ciidamada waxaa ay gacanta ku dhigeen walxaha qarxa,
shaqsiyaadkii ku lugta lahaa iyo gurigii lagu farsameeynayay intaba, ayuu yiri
Axmed Carab oo ka mid ah saraakiisha
amniga Jubbaland.
Sarkaalka ayaa intaa ku daray in dhawaan warbaahinta u soo bandhigi doonaan shaqsiyaadkii falka ku lugta lahaa gacanta ciidamada ku jira.
Magaalada Kismaayo ayaa marar badan oo hore waxaa ka dhacay
falal qaraxyo loo adeegsaday, waxaana inta badan qaraxyada ka dhaca magaalada
lagu bartilmaameedsadaa ciidamada maamulka,
hasse ahaatee wax yeelada ugu badan ayaa gaarta dadka shacabka.
C/raxmaan Diini, Hiiraan
Online
[email protected]
