Jimco, April, 07, 2017 (HOL) –Inta la xaqiijinayo ilaa saddex ruux oo labo
ka mid ah la sheegay in ay ahaayeen hooyo iyo gabadheeda ayaa ku dhintay tiro
hoobiyayaal ah oo maanta ku soo dhacay qeybo ka mid ah degmada Wadajir ee
gobolka Banaadir.
Mid ka mid ah madaafiicdan loo adeegsaday qoriga hoobiyaha oo ku dhacay guri ku yaala degmada
ayaa waxaa ku dhintay sida goob joogayaal ah u sheegeen warbaahinta gabar iyo
hooyadeed.
Sidoo kale, guri aan ka fogeyn isla goobta ay ku dhinteen hooyada iyo
gabadheeda ayaa waxaa ku geeriyootay gabar kale kadib markii uu madfac ku soo
dhacay gurigooda, halka dhinaca kalana ay ku dhaawacmeen labo ruux.
Mas’uuliyada madaafiicdan ayaa waxaa sheegtay xoogagga Al-shabaab ee
dagaalka kula jira dowladda Soomaaliya iyo ciidamada midowga Africa AMISOM.
Madaafiicdan ayaa ku soo beegmay xili maalintii shalay madaxweynaha dowladda
Soomaaliya is badal ku sameeyay laamaha amniga, islamarkaana ka ku dhawaaqay
dagaal ka dhan ah ururka Al-shabaab.
C/raxmaan Diini, Hiiraan
Online
[email protected]