HRW oo sheegay in aysan cadaalad helin dad rayid ah oo ciidamada Ethiopia ku laayeen Kilinka Shanaad
Jimco,
April, 07, 2017 (HOL) – Dowladda Ethiopia ayaa ku guuldareysatay in ay la
xisaabtanto askartii dilay 21 ruux oo rayid ahaa oo ku noolaa xaafad ku taalla
dowlad deegaanka Ethiopia ee Kelinka Shanaad, sida ay sheegtay Hay’adda u dooda
Xuquuqda Aadanaha ee Human Rights Watch.
Dowladda
Ethiopia waa in ay la xisaabtantaa oo ay cadaalada keentaa, ayna raacdaa
baaritaanada kooxaha caalamiga ee dabagalka sameeya, waxaana warbixinta ay
sheegeysaa in xadgudubka ay geeysteen ciidanka looyaqaano ‘Liyu Police’.
5
Bishii June 2016, ciidanka Liyu Police ayaa gudaha u galay xaafad lagu
magacaabo Jaamac Dubad oo ku taalla bariga gobolka dowlad-deegaanka Ethiopia,
kadibna waxaa ay bilaabeen in ay toogtaan dadkii ku noolaa xaafadda, waxaana
halkaasi ku dhintay 14 ruux oo raga iyo 7 dumar ah, kadibna ciidanka waxaa ay
bililiqeeysteen goobo ganacsi iyo guryo, sidaasi waxaa yiri 7 Hooyo oo ka
badbaaday weerarka.
HRW
waxay muddadii u dhexeysay December iyo February ee sannadkan wareysi la
yeesheen 31 qof oo deggan Tuulladda Jaamac Dubbad iyo kuwo kale oo deggan
Tuullooyinka ku dhow-dhow, oo ay ku jiraan 10-qof oo goob-joog u ahaa dhacdadii
dilalka ee bishii June 5-dii, kuwaasi oo u qarxay Somaliland.
Dowladda
Ethiopia waxay Ciiddanka Liyu Bolis ka dhiseen Ismaamulka Soomlida Ethiopia
sannadkii 2007-dii, kadib, markii uu iska horimaad dhex mareen Ciiddanka
Dowladda Ethiopia iyo Dagaalamayasha Jabhadd ONLF.
Hassan
Istiila
[email protected]
Mogadishu,Somalia