Khamiis, April, 06, 2017 (HOL) – Madaxweynaha dowladda
Soomaaliya Maxamed Cabdullaahi Farmaajo ayaa xilalka ka qaaday taliyayaashii
ciidammada militariga iyo booliiska Soomaaliyeed, waxaana loo magacaabay xilalka
taliyayaal cusub.
Madaxweynaha ayaa u magacaabay taliyaha ciidamada militariga
Jen, Maxamed Axmed Jimcaale oo badalaya taliyihii hore S/Gaas Maxamed Aadan
Axmed.
Sidoo kale, taliyaha ciidamada booliiska Soomaaliyeed ayaa
loo magacaabay Jen C/xakiin Daahir Saciid [Saacid] oo badalaya taliyihii hore Jen Maxamed Sheekh Xassan Xaamud.
Abaanduulaha ciidamada xoogga dalka Soomaaliyeed ayaa
loo magacaabay Jen Cabdullaahi Cali Caanooy oo badalaya Jen Cali Baashi oo xilkan
horay u hayay.
Marka laga soo tago magacaabista taliska cusub eee
militariga iyo booliiska sidoo kale waxaa xilka laga qaaday taliyihii hay’adda
nabad-sugida iyo sirdoonka Qaranka Soomaaliyeed Jen C/llaahi Goofoow Max’uud, waxaana xilkan
loo magacaabay Cabdullaahi Max’ed Cali Sanbaloolshe.
Ugu danbeyntii, xil ka qaadistan iyo magacaabista taliyayaasha cusub ciidamada ayaa noqoneysa tii ugu ballaarneyd tan iyo wixii ka danbeeyay sanadkii 2011, waqtigii oo madaxweynihii hore Shariif Sheekh Axmed mar kaliya xilalka ka wada qaaday taliyayaasha ciidamada militariga, booliiska iyo nabad-sugida.
C/raxmaan Diini, Hiiraan
Online
[email protected]