Talaado, April, 04, 2017 (HOL) – Saraakiisha
dowladda Kenya sheegtay in ay ka feejigan yihii weeraro qorsheysan oo Al Shabaab ay ka geystaan magaalooyinka
Mombaza, Nairobi iyo sidoo kale Saldhigyada ay ku leedahay gobolka
Waqooyi Bari ee dalka Kenya.
Dowladda Kenya ayaa tilmaamtay in si
weyn loo adkeeyay ammaanka xadka ay la wadaagto dalka Soomaaliya , islamarkaana
ciidamada ay wadaan howgallo lagu baadigoobaayo dagaalyahanada ka tirsan
Al-shabaab ee ku sugan gobolka Waqooyi
Bari dalka Kenya iyo sidoo kale xadka ay wadagaan labada dal.
Kenya waxaa ay xustay in ay heshay
xog ku aadan in Al-Shabaab ay qorshanayaan weeraro ay ka geystaan dalka Kenya ,
gaar ahaan magaalooyinka Gaarissa iyo Mandera ee gobolka Waqoo Bari ee dalka
Kenya.
Taliyaha guud ee ciidamada difaaca
dalka kenya ayaa warbaahinta u sheegay in dowladda Kenya ay ku jirto
feejignaan dheeri ah , islamarkaana ciidamada ay diyaar u yihiin in ay
Al-Shabaab ka ilaaliyaan in ay ka soo gudbaan xadka wadaagaan labadal.
Ugu danbeyntii, Al-Shabaab ayaa
horay u sheegay inaysan joojin doonin weerarada ka dhanka ah Dowladda Kenya,
ilaa ciidamada Kenya laga saaro gudaha Soomaaliya.
C/raxmaan Diini, Hiiraan Online
[email protected]
