Dhallinyaro iskood isku abaabushay oo gargaar gaarsiisay Isbitaalka Daryeel ee Buuhoodle
Sabti, April, 29, 2017 (HOL)- Dhallinyaro reer Hargeysa oo iskood isku abaabulay oo la baxday Geediga
gurmadka Abaaraha, ayaa Cisbitaalka Daryeel ee magaaladda Buuhoodle gaadhsiisay
alaabooyin kala duwan oo iskugu jira, dawo, biyo, cunto iyo Dhar.
Dhallinyaradan ayaa ka soo
kicintay magaaladda Hargeysa, waxaanay maalmihii u dambeeyey abaabulayeen
dhalinyaraddu sidii ay uga qaybqaadan lahaayeeen gurmadka loogu jiro badbaadinta
dadka soo ridanayo Xanuunkan Shuban biyoodka oo kor usii socda.
Dhalinyaradan Gurmadka ahi waxay
cisbitaalka soo gaadhsisiyeen Dawooyinkii lagu dabiibayay bukaanka oo ka
koobnaa 37 kartoon, 850 kartoon oo biyo ah, 7-kartoon oo sharaab ah, 10 Tanag, saddex kartoon oo Timir ah , 2 kartoon oo
Saliida, 3 kartoon oo caano ah iyo maryo ama dhar loogu talogalay bukaanka
jiifa Cusbitaalka, si loogu fulliyo adeegyada dawaynta iyo quudinta bukaanka.
Dhalinyaradan iskood isku
abaabulay ayaa hal ku dheg ka dhigtay miyey hiil waayeen, waxaanay maalmihii u
dambeeyey iskaga dab qaadayeen Buuhoodle iyo Hargeysa, iyagoo baraha bulshadda
ku soo bandhigayey baahidda taala cisbitaalka Buuhoodle, waxaanay dhalinyaraddu
ka codsanayeen bulshadda Soomaaliyeed inay gargaarkaasi iyo gurmadkaasi socda
ka qaybqaataan oo la badbaadiyo dadka u jiifa Xanuunkan Shuban biyoodka ah.
Dhalinyaradan gurmadka siday waxa
magaaladda Buuhoodle ku soo dhoweeyey dhalinyaro reer Buuhoodle ah oo kaga hor
tagay duleedka magaalada, kuwaas uga mahad naqay gurmadkan ay dhalinyaraddu soo
abaabuleen ee ay soo gaadhsiiyeen magaaladda Buuhoodle.
Sidoo kale, dhalinyaradan
gurmadka wadda ayaaa iyaguna si weyn ugu mahad naqay dhalinyaraddii soo
dhoweysay iyo sida wacnayd ee loo soo dhoweeyey, taas oo ay ku amaaneen.
Cisbitaalka magaaladda Buuhoodle
ayaa la sheegay inay xaalad adag ka jirto,isla markaana dad daro badani u
jiifaan xanuunkan Shuban biyoodka ah, halka qaarkood laga keenayo deegaanadda u
dhow dhow.
Barkhad-ladiif M. Cumar,
Hiiraan Online
[email protected]
Hargeysa, Somaliland.