Ra’iisal wasaare Kheyre’’ Xiriirka aniga iyo madaxweynaha waa mid ku saleysan danta umadda
Jimco, April, 28, 2017 (HOL) – Ra’iisal wasaaraha Soomaaliya Xassan Cali
Kheyre oo wareysi dhinacyo badan taabanaya siiyay warbaahinta Qaranka ayaa ka hadlay
arimo dowr ah gaar ahaan xaalada dalka ee waqtigan iyo xiriirka ka dhaxeeya isaga
madaxweynaha .
Ra’iisal wasaaraha ayaa sheegay in ay ka go’an tahay
dowladda in ay ka shaqeyso marka hore arimaha dib-u-hishiisiinta si loo gaaro
hormar iyo nabad dalkana looga sameeyo isbadal la taaban karo.
Mar uu soo hadal qaaday xiriirka wada shaqeynneyd kala dhaxeeya
madaxweynaha ayuu yiri ‘’ Kalsoonida aan ku qabo wada shaqeynta aniga iyo
Madaxweynaha waa 100%, xiriirka aniga iyo Madaxweynaha naga dhaxeeya waa xiriir
ku saleysan danta Umadda Soomaaliyeed, wax dan gooni ah aan leenahay aniga iyo
Madaxweynaha ma jirto”
Isaga oo hadalkiisa sii wata ayuu sheegay in shacabka
Soomaaliyeed looga baahan yahay in ay ku garab istaagaan isaga iyo madaxweynaha kalsoonida iyo wada shaqeynta fiican ee ka dhaxeysa.
‘’Waxaan is leenahay shacabku isma khilaafsana ee waa
Siyaasiyiinta cida uu khilaafka u dhaxeeyo, sidaa daradeed dhamaanteen waxaa
nagala rabaa in aan wada jir u shaqeyno, si aan mar danbe bulshada loo qal qal
galin’’ ayuu yiri ra’iisal wasaaraha.
Hadalka ra’iisal wasaare Kheyre ayaa imanaya xili
dowladihii dalka isaga danbeeyay mudadii afarta sano aheyd min saddex ra’iisal
wasaare ku soo shaqeeyeen, kadib khilaaf inta badan soo kala dhaxgallay
madaxweynaha iyo ra’iisal wasaaraha.
C/raxmaan Diini, Hiiraan Online
[email protected]