Arbaco, April, 26, 2017 (HOL) –
Taliska ciidamada booliiska maamulka K/galbeed ayaa markii ugu horeysay ugu
baaqay xasaaska saraakiisha iyo dagaalamayaasha ka tirsan Al-shabaab in ay isa
soo diiwaan-galiyaan.
Taliyaha ciidamada booliiska maamulka K/galbeed Mahad C/raxmaan Aadan oo
warbaahinta la hadlay ayaa sheegay in lagu wargaliyay xasaaska Al-shabaab in ay
is diiwaangaliyaan arintaa oo sida uu hadalka u dhigay qeyb ka ah sugida
amniga.
‘’Baydbabo lama maamul kama jiraan, waxaa maamula maamulka K/galbeed, horay
ayaa ugu sheegnay xasaaska Al-shabaab ee Baydhabo ku sugan in ay isa soo diiwaangaliyaan,
tiro yar ayaa inoo timid intoodii badneyd wali magaalada ayeey ku
dhuumaaleysanayaan’’ ayuu yiri taliyaha ciidamada booliiska maamulka K/galbeed
Soomaaliya.
Waa markii ugu horeysay oo fariin noocan ah loo diro xasaaska saraakiisha
iyo dagaalyahannada Al-shabaab ee ku sugan deegaannada maamulka K/galbeed uu ka
arimiyo.
Dhawaan ayeey maxkamada ciidamada qalabka sida ee Soomaaliya ku toogatay
magaalada Baydhabo afar dhalinyaro ah ku eedeysnaa in ay ka tirsanaayeen
Al-shabaab.
C/raxmaan Diini, Hiiraan Online
[email protected]
