Wararkii ugu danbeeyay aftida loo qaadayo wax ka badalka dastuurka dalka Turkiga
Axad, April, 16, 2017
(HOL) - Malaayiin qof oo Turkish ah ayaa maanta markii ugu horeysay u dareeray
codaynta afti dadweyne oo isbedel lagu sameenayo dastuurka dalkaasi si awood
ballaaran loo siiyo madaxweyne Recep Tayyip Erdogan.
Madaxweynaha Erdogan ayaa ugu baaqay
taageerayaashiisa in ay ku codeeyaa HAA taa oo macnaheedu yahay in awood
dheeraad ah la siiyo madaxtooyada, iyadoo laga gudbayo habka baarlamaanniga ah
ee hadda ka jira dalkaas.
Aftidan ayaa u muuqata mid ay ku kala qaybsameen dadka Turkiga, iyadoo
xisbiyadda mucaraadku ay bannaanbaxyo ay qabsadeen ay kaga digeen in HAA loogu
codeeyo aftida, taasi oo horseedi karta ayay yiraahdeen in xukunka u gacanta u
galo qof kaliya.
Taageerayaasha Erdogan waxay ku doodayaan in isbedalkaasi uu ka dhigi doono
dalka mid horumar ku tallaabsado, halka kuwa ka soo horjeeda ay ku doodayaan in
dalka ay u horseedi doonto inuu galo nidaam kaligii-talis ah.
Qiyaastii 55 milyan oo qof ayaa xaq u leh inay codkooda ka dhiibtaan ilaa
iyo 167,000 oo goobaha codbixinta ah.
Haddii aftida HAA loogu codeeyo, waxaa la baabiin doonaan jagada
ra’isul wasaaraha oo awood badan, iyadoo bedelkeeda la magacaabi doono
madaxweyne Ku-xigeen.
Erdogan ayaa doonya in hanaanka dalkaasi lagu maamulo ee baarlamaaniga loo
beddalo mid madaxtinnimo si la mid ah dalalka Mareykanka iyo Faranisiiska.
C/raxmaan Diini, Hiiraan Online
[email protected]
