Madaxweyne Farmaajo oo warqadihii aqoonsiga ka guddoomay safiirka cusub ee Shiinaha
Sabti, April, 15, 2017 (HOL) – Madaxweynaha Soomaaliya Maxamed C/llaahi
Farmaajo ayaa maanta xafiiskiisa ku qaabilsay Safiirka cusub ee Shiinaha u
qaabilsan Soomaaliya Qin Jian.
Madaxweyne Farmaajo ayaa Safiirka cusub ee Shiinaha ka guddoomay waraaqaha
aqoonsiga, iyo dhambaal uu ka siday Madaxweynaha Shiinaha.
Safiirka cusub ee Shiinaha Qin Jian ayaa sheegay
inuu xoojin doono xiriirka Soomaaliya iyo dalka shiinaha oo ahaa mid muddo soo
jiray.
Qin Jian ayaa badalaya safiirkii horay u joogay ee waqtigiisa dhamaaday oo lagu magacaabo
Wei-Hongtian hasse ahaatee Soomaalida ku naaneystay Warsame Geeljire islamarkaana ku hadla afka Soomaaliga.
Shiinaha ayaa ka mid ah wadamada taageera
Soomaaliya, waxaa horay ay u dhiseen Xarunta Tiyaatarka Qaranka, Garoonka
Stadium Muqdisho iyo mashaariic kale oo ay ka hirgeliyeen dalka bur burkii
dowladda dhexe ka hor.
C/raxmaan Diini, Hiiraan Online
[email protected]