Wariye ka hawlgala magaaladda Hargeysa oo afar cisho u xiran ciidanka Booliska Somaliland
Sabti, April, 15,
2017 (HOL) – Wariye Cabdiraxmaaan Carab Daa’ud
ayaa maalintii afraad u xidhan ciidanka Booliska Somaliland,isla markaana
markii la xidhayey aan wax waaran ah loo soo goosan qabashadiisii.
Ciidanka
Booliska Somaliland ayaa xabsiga u taxaabeen Wariye Cabdiraxmaan Carab
Daa’uud oo u shaqeynayey Shabakada Wararka Hangoolnew, kadib markii lagu soo eedeeyay in uu qoray warar aan xaqiiq aheyn.
“
Ururka Mareegaha Somaliland (SOMA), waxa uu cambaareynayaa xadhiga Wariye
Cabdiraxmaan Carab Daa’uud, oo aanu u aragno mid sharci-darro ah, isla-markaana
qaabka loo fuliyey iyo asbaabihiisaba xad-gudub iyo gabood fal ku yihiin
mabaadi’da iyo ujeedooyinka jiritaanka Madaxbanaanida Saxaafada.”ayaa lagu
yidhi war-saxafadeed ka soo baxay ururka mareegaha Somaliland.
Xoghayaha
ururka warbaahinta mareegaha Saleebaan Cabdi Cali (kalshaale) oo isna
intaas ku daray “Annagoo og inaanay ahayn markii ugu horaysay ee saxafi loo
xidho sidan kale, isla-markaana boolisku iyagoo haysan ogolaanshiyo
Maxkamaddeed oo ay ku cadyihiin Dambiga Saxaafaddi gashay ay weerar ku qaadaan
xarun warbaahineed ama wariye, haddana waxaanu ka walaacsanahay inay wali sii
socdaan xad-gudubyada noocaas ahi.
Ugu
dambey, ururka SOMA waxa uu ugu baaqayaa Xukuumadda Somaliland, gaar ahaan
Taliska Ciidanka Booliska, in si dhakhso ah xoriyadiisa loogu soo celiyo
wariyaha xidhan, oo haddii uu jiro fal-dambiyeed Saxafigu galay loo maro si
waafaqsan Shuruucda dalka iyo xeerka Saxaafadda Somaliland ee Xeer Lr.27/2004.
Mar
kale Taliyaha Ciidanka Booliska Somaliland, waxaanu xusuusinaynaa in Ciidanka
Boolisku dhowro Shuruucda dalka ee damaanad qaadaya xurmadda Wariyaha iyo
xoriyada Saxaafadd. Ururka SOMA wuxuu dhiiri-gelinayaa madaxbanaanid Saxaafadda
oo ku dhisan Anshaxa suubban, waxaanu ka digayaa inay sii socdaan talaabooyinka
lagu cabudhinayo Saxaafadda oo aannu aragno inay dhaawacayaan nidaamka
Dowladnimo iyo dastuurka dalka ayaa lagu yidhi qoraalkaasi ka soo baxay ururka
Mareegaha Somaliland.
Dhinaca
kale, wariyahan waxa loo diiday in la soo booqdo, iyadoo wariyeyaashii soo
booqanayey iyo ehelkiisii loo diiday inay arkaan, taas oo khalad ay tahay.
Barkhad-ladiif
M. Cumar, Hiiraan Online
[email protected]
Hargeysa,
Somaliland