Sabti, April, 15, 2017 (HOL) –Ciidamada
Ammaanka dalka Mareykanka ayaa bilaabay qabqabashada dadka ajanbiga ah ee aan sharciga heysan gaar
ahaan Soomaalida.
Ciidamada ayaa si gaar ah u bartilmaameesanaya dadka soo galootiga ah ee aan
wax sharci ah heysan, waxaana xusid mudan in ilaa 10 ruux oo Soomaali ah
todobaadkan ku qabteen Atlanta.
Dadka ay ciidamada amaanka iyo laanta Socdaalku beegsanayaan ayaa isugu jira
dad aan sharcihaysan iyo kuwa sharciga ka maqanyahay balse dambi ka gallay dalka.
Dadkan ilaa iyo hadda la qabqabtay ayaa intooda badan lagu beegsaday
guryahooda iyo suuqyada magaalada Atlanta.
Guddoomiyaha Ururka Somaalida ee Atlanta Cumar Abuukar Shiikheey ayaa VOAda
u sheegay in jaaliyadda soomaalidu ay aad uga walaacsantahay tallaabadan cusub.
Guddoomiyaha ayaa sheegay in dambiyada dadka qaar ay galeen ay yihiin
dambiyo aad u fudud oo aan istaahilin in lagaga saaro dalka Maraykanka , laguna
celiyo Soomaaliya oo haataan duruufo adag ay ka jiraan.
Dhawaan ayeey aheyd markii safiirka Soomaaliya ee dalka Mareykanka Axmed
Ciise Cawad warbaahinta u sheegay in ilaa 4000 oo Soomaali ah qorshuhu yahay in
laga soo tarxiilo dalka Mareykanka.
C/raxmaan Diini, Hiiraan Online
[email protected]
