Jimco, April, 14, 2017 (HOL) – Amniga dalka Kenya ayaa siweyn loo adkeeyaan
sababo la xiriira dabaaldaga munaasabadaha ciida Easterka, waxaana dadka
looga digay in ay taxadiraan.
Warbaahinta dalka Kenya ayaa sheegtay in ay jirto cabsi laga qabo rag hore
ay liiska argagaxisada ugu dartay dowlada Kenya kuwaasoo tababaro ku soo qaatay
dalka Soomaaliya inay gudaha u soo galeen dalka Kenya ayna qorsheynayaan inay
weeraro ka geystaan gudaha dalka Kenya.
Magacyada raggan ayaa lagu kala sheegay Habib Karongo oo loo yaqaan Jureyj,
Juma Were, Mohamed Tajir, Abdullahi Jarso Kotola, Gufu Tari Gufu and Fuad
Abubakar Manswab, Abubakar Abdikadir Abubakar,Issa Abdalla Kauni iyo Ahmed Said
Omar.
George Kinoti afhayeenka ciidamada
Kenya ayaa sheegay in ay hayaan war ku saabsan in raggan ay la soo xiriireen
qoysaskooda ayna doonayaan in ay dib ugu soo laabtaan dalka Kenya.
Waxaa uu si gaar ah farta ugu fiiqay goobaha lagu cibaadeysto,baararka,boosteejooyinka
basaska iyo tareenada laga raaco in ammaankooda si gaar ah loo ilaalin doono.
Kenya waxaa horay weeraro khasaare sababay horay uga geystay ururka
Alshabaab iyadoo sidoo kale ururka Alshabaab uu weeraro ku qaaday saldhigyada ciidamada
Kenya ee ka tirsan AMISOM ku leeyihiin gudaha Soomaaliya.
C/raxmaan
Diini, Hiiraan Online
[email protected]
