Dowladda federaalka oo shaacisay tirada dadka u baahan in gargaar deg deg ah lala gaaro
Jicmo, April, 14, 2017 (HOL)- Wasiirka wasaarada
gargaarka iyo maareynta msiibooyinka dowladda federaalka Soomaaliya Dr Maryan Qaasim ayaa sheegtay in lix milyan oo ruux oo Soomaali ah u baahan yihiin in
gargaar deg deg ah lala gaaro.
Wasiirka oo warbixin ka hor jeedisay shirkii
gollaha wasiirada ee maalintii shalay ayaa sheegtay in ilaa lix malyan oo ruux
oo Soomaali ah ay gaajo iyo macaluul daran wajahayaan sidaa daraadeed lagama
maarmaan tahay in sida ugu dhaqsiyaha badan loo gaarsiiyo gargaarka ay u baahan
yihiin.
‘’Wasaarada waxaa ay diyaarisay nidaam lagu
xagaajinayo isku dabaridka hay’addaha gargaarka bixiya iyo dowladda ayuu sheegay’’ wasiirka warfaafinta C/raxman Yariisoow oo warbaahinta kula hadlay magaalada Muqdisho.
Dowladda federaalka ayaa sheegtay in ay wado
dadaalo la doonayo in lagu badbaadiyo nolasha malaayiin ruux oo
Soomaali ah oo la daalaa dhacaya macaluul ka dhalatay abaarta daran ee ka jirta
dalka.
Hay’addaha caalamiga ah ee deeqaha bixiya ayaa laga dalbaday in ay wada shaqeyn
buuxda la yeeshaan wasaarada gargaarka iyo maareynta masiibooyinka, si ay u
fududaato in dadka la gaarsiiyo gargaar ay u baahan yihiin.
Wasiir Maryan Qaasim ayaa dhawaan waxaa ay booqasho ku tagtay xeryo ku
yaalla magaalooyinka Baydhabo, Kismaayo iyo magaalada Muqdisho, si loogu
guurgalo xaalada dadka barakacayaasha.
C/raxmaan
Diini, Hiiraan Online
[email protected]
